Пил менен кандектин тиреши скачать в хорошем качестве

Пил менен кандектин тиреши

«Чотко (эсепке) түшсөң, отко түштүң.» Кыргыз эл макалы АКШ менен Венесуэланын мамилеси ноябрдын акыркы жумасында мурда болуп көрбөгөндөй начарлады. 30-ноябрда президент Дональд Трамп Венесуэланын аба мекиндиги толук жабыла турганын өзүнө таандык “Truth Social” деп аталган альтернативдүү социалдык медиа платформада жазды. Бул эгерде кайсы бир өлкөнүн учактары үчүн коркунуч бар экенин жышааналайт. Ошондой эле 30 млн.калктуу Венесуэла менен 340 млн.элдүү АКШ арасындагы мамиле курч экенин күбөлөйт. Ырасмий Каракас президент Трамптын опузасын «оторчу-колониалисттердин коркутуусу» деп сыпаттады. Бүгүн Венесуэлага босоголош аймакта Вашингтон 15 миңдей аскер кармоодо. Кариб бассейнине 13 млрд долларлык «Жеральд Форд согуштук кемеси да тартылган. Кемеде 4,5 миңдей аскер, 9 авиаэскадрилия бар. Ар бир эскадрилия 12ден 24кө чейин аскер учактан турат. Кошмо Штаттардын саясый чөйрөсүндө Д. Трамптын бул «опузасы» колдоо таппады. Сенаттагы демократиялык азчылыктын лидерлеринин бири Чак Шумакер түз эле «президент Трамп АКШнын чет өлкөдөгү кезектеги кымбатка турчу согушка шыкактап түртүүдө. Америка аягы көрүнбөгөн согуштан тажады» деп, мурда миллиарддаган доллар чыгым алып келген Ооганстан, Ирак, Вьетнамдагы аягы ойрон согуштарга ишаара кылды. Конституция боюнча адис, президент Р. Рейган кезде Башкы прокурордун найыбы (орун басары) Брюс Файн «Дональд Трамптын кадамы Конституцияга сыйбайт» деди. Ушул эле тушта Венесуэлага экономикалык сокку да урулду. Венесуаланын мамлекеттик CITGO Petroleum корпорациясына караштуу Citgo компаниясын Toронтонун тоо-кен компаниясы Gold Reserve 6 млрд долларга сатып алды. Бул АКШы соту баалагандан эки эсе а аз. (Үч жыл мурда 11-13 млрд доллар бааланган. Эмнеге мынча кымбат? Себеби, CITGO Petroleum копаниясынын алтын таажысы деп эсептелген мунай иштетүүчү жана фрахтоочу Citgo компаниясы (баш кеңсеси Техаста) күнүнө 76 900 баррель мунай өндүргөн. 1 баррель мунай – 159 литр болсо, бир күндө 10 450 тонна мунай өндүргөн болот. Кыргызстан 2024 - жылы 290 миң тонна мунай казып алган. Муну CITGO Petroleum корпорациясына караштуу Citgo компаниясы 7 күндө казып койот. Ал өндүргөн мунай Иллинойс, Луизина жана Техас штаттарындагы ишканаларда кайра иштетилет. Мындан тышкары венесуэлалык компанияга АКШнын Чыгыш жээгинде мунай-газ ташуучу түтүктөрү жана 4 000 күйүүчү май сатуучу жайы бар. Citgo 2020-жылы 24 миллиард доллар киреше алса, –2023-жылы 2 млрд доллар, былтыр кирешеси 305 млн. долларга түшкөн. ConocoPhillips -АКШ ($1.3 billion) (баш кеңсеси Техаста) эл аралык корпорациясын менен Канаданын эл аралык Crystallex корпорациясы ($1.0 billion), Tidewater, АКШ ($80 million), and O-I Glass -АКШ ($700 million) болуп, бардыгы 15акционер 19 млрд доллар карызды төлө деп доолап жаткан. Ал карыз снт акылары менен бүгүн 21,3 млрд доллардан да ашып кеткен. Маселе мында. 2001-жылы Crystallex корпорациясы Венеусэланын кен байлыктарын иштетүү боюнча келишим түзөт. 2008-жылы ырасмий Каракас жанагы келишимди бузат. Алтын кенди өзүбүз иштетебиз деп. Натыйжада, Crystallex Түштүк Америкадагы эң чоң алтын кенин иштете албай калат. Вашингтондун санкцияларынан улам Канадалык эл аралык корпорацияга кайтарылчу акчаны Венесуэла төлөй албайт. Санкция алгач 2014-жылы, анан 2017-жылкы Венесуэладагы антиөнөттүк нааразылык жүрүштөрүнөн кийин киргизилген. Ал кезде президент Трамп Венесуэланы АКШнын финансылык рыногуна киргизбей, оппозициянын өкүлү Хуано Гуайдону Венесуэланын «убактылуу президенти» деп тааныйт. Атүгүл Венесуэланын акчаларын контролдоо укугун Гуайдого берет. Венесуэлла өкмөтүн АКШда өз таламн коргоо укугунан ажыратат. Гуайдо өз элинин атынан Каракас америка-канадалык компаниялар жоготкон акчаны кайтарат дегендей билдирүүлөрдү жасайт. Сотко не өзү, не адвокаттары 1 жылдан көп келбей койот. ConocoPhillips учурдан пайдаланып, Каракас мүлкүбүздү улутташтырып алды деп, АКШнын абитраждык сотуу аркылуу венесуэлалыктардын мойнуна дагы 8,5 млрд долларды илет. Ал акча акыр аягында Citgoну тартып алуу менен бүттү. Британия да Венесуэланын Англия банкында сакталган 31 тонна алтынын камакка алган. Жалпысынан ырасмий Каракастын ырасташынча, 22 млрд доллары (баалуу кагаздар да бар) Батыш өлкөлөрү бербей отурат. Эгер Венесуэланын ИДП 108,5 млрд доллар экенин эске алсак, береги жүгүртүүдөн чыккан байлык орду толгус олочйгон чыгым. Д. Трамп абалды курчута береби же Конституцияга моюн сунуп, аскерий жапырыкты баштоо үчүн Конгресстин чечимин күтөбү?