ဒုစရိုက်မြို့တော် ရွှေကုက္ကို၏ ဇာစ်မြစ်ကို လှန်ကြည့်ခြင်း скачать в хорошем качестве

ဒုစရိုက်မြို့တော် ရွှေကုက္ကို၏ ဇာစ်မြစ်ကို လှန်ကြည့်ခြင်း

ဒုစရိုက်မြို့တော် ရွှေကုက္ကို၏ ဇာစ်မြစ်ကို လှန်ကြည့်ခြင်း …………… အင်တာနက်က လိမ်လည်မှုများပြုရာ ကျားဖြန့်မြို့တော် ရွှေကုက္ကိုမြို့သစ်စီမံကိန်းဟာ နိုင်ငံတကာရာဇဝတ်မှုဇာတ်လမ်းတစ်ခုဖြစ်လာခဲ့ပါပြီ။ ဒါပေမယ့် ဒီအကြောင်းနဲ့ပတ်သက်ပြီး မီဒီယာတွေ၊ နိုင်ငံတကာ သတင်းတွေဖော်ပြနိုင်တာထက် အခြေအနေတွေဟာ ပိုပြီးရှုပ်ထွေးလာနေပါတယ်။   ရွှေကုက္ကိုမြို့သစ်စီမံကိန်းဟာ အမျိုးသားဒီမိုကရေစီအဖွဲ့ချုပ် အစိုးရလက်ထက်မှာ အစပျိုးခဲ့ပြီး မြန်မာနိုင်ငံ ရင်းနှီးမြှုပ်နှံမှု ကော်မရှင် (MIC) ရဲ့ တရားဝင် ရင်းနှီးမြှုပ်နှံမှု ခွင့်ပြုချက်ရခဲ့တဲ့ စီမံကိန်းတစ်ခုပါ။   ၂၀၁၈ ခုနှစ်အတွင်း ရွှေက္ကိုမြို့သစ်စီမံကိန်းပထမအဆင့်ကို MIC က ခွင့်ပြုခဲ့ပါတယ်။ ဒီအဆင့်မှာ ထိုင်း−မြန်မာ နယ်စပ်အနီးမှာရှိတဲ့ ကရင်ပြည်နယ်အတွင်း မြေဧက ၂၅ ဧကပေါ်မှာ အမေရိကန်ဒေါ်လာ ၂၂ ဒဿမ ၅ သန်း တန်ဖိုးရှိ ခမ်းနားတဲ့ အဆောက်အအုံ ၅၉ လုံး ဆောက်လုပ်ခွင့်ရတယ်လို့ သတင်းဌာနများစွာက ဖော်ပြခဲ့ပါတယ်။   ဒါပေမယ့် ဒီလို ဆောက်လုပ်ခွင့်ရတာဟာ စစ်တပ်ကျောထောက်နောက်ခံပေးထားတဲ့ ကရင်နယ်ခြားစောင့်တပ် (BGF)နဲ့ နက်နက်ရှိုင်းရှိုင်း ပတ်သက်နေပါတယ်။ BGF ဟာ ရွှေက္ကိုမြို့သစ်စီမံကိန်းနဲ့ပတ်သက်တဲ့ အငြင်းပွားမှုတွေမှာ ထဲထဲဝင်ဝင် ပါဝင်ပတ်သက်နေပြီး ရွှေက္ကိုမြို့ အနီးဝန်းကျင်ဒေသကို ထိန်းချုပ်ထားပါတယ်။   တကယ်တော့ ရွှေကုက္ကိုစီမံကိန်းဟာ မြန်မာနိုင်ငံအတွင်း အုပ်ချုပ်ရေး မအောင်မြင်မှုကို ပြနေတဲ့ ကြီးမားတဲ့ ဥပမာ တစ်ခုပါပဲ။ မတူညီတဲ့ နိုင်ငံရေးဘောင်တစ်ခု အုပ်ချုပ်မှုစနစ်တစ်ခုအောက်ကနေ စတင်စဉ်းစားခဲ့ပေမယ့် နိုင်ငံဟာ အာဏာရှင်စနစ်သို့ ပြန်ရောက်သွားတဲ့အခါ ဒီစီမံကိန်းဟာ ပြည်တွင်းအဖွဲ့အစည်းများသာမက နိုင်ငံခြားသားများအတွက်ပါ ကြီးမားတဲ့အန္တရာယ်ပေးနိုင်တဲ့ စီမံကိန်း ဖြစ်လာနေပါတယ်။   တင်ဆက် - ဟန်လင်း