"Tsovak" ensemble - Tal tala (Armenian folk song) скачать в хорошем качестве

"Tsovak" ensemble - Tal tala (Armenian folk song)

Հայ ժողովրդական «Տալ տալա» պարերգն է՝ «Ծովակ» ավանդական երգի-պարի խմբի կատարմամբ։ Հիմնադիր` Գագիկ Գինոսյան, գեղարվեստական ղեկավար՝ Անի Գինոսյան, երգուսույց՝ Անուշ Բալբաբյան, պարուսույց՝ Աբել Մաթևոսյան։ Խումբը հիմնադրվել է 2001 թվականին հայ պարագետ, բանահավաք, ՀՀ մշակույթի վաստակավոր գործիչ, «Կարին» ավանդական երգի-պարի խմբի հիմնադիր Գագիկ Գինոսյանի կողմից և կրում է հայ կոմպոզիտոր, ՀԽՍՀ մշակույթի վաստակավոր գործիչ Ծովակ Համբարձումյանի անունը: Ձայնագրությունը «Այգաբեր»-ին տրամադրեց Անուշ Բալբաբյանը։ «Ծովակը» միավորում է պատանիներին և երիտասարդներին՝ հայ մշակույթի ուսումնասիրման և տարածման առաքելության շուրջ՝ նպաստելով ազգային արժեքների պահպանմանը, ինքնության գիտակցմանն ու ամրապնդմանը: «Ազգային երգ ու պար» առարկայի այս երգերը ձայնագրվել են Գարեգին Առաքելյանի կողմից․ նվագակցությունը՝ Սևադա Իրիցյանի և Գրիգոր Դավթյանի, երգային կատարումը՝ «Ծովակ» ավանդական երգի-պարի խմբի անդամների` խմբի երգուսույց Անուշ Բալբաբյանի ջանքերով։ *** Սա Բալուի և նրա տարածաշրջանի պարերգերից է, որը գրառել է Պետրոս Ալահայտոյանը։ Երգի խոսքերը՝ Տալ տալա, տալ տալա, տալ պոյիդ ղուրպան, Տալ տալա, տալ տալա, տալ պոյիդ ղուրպան, Մեջքուկդ բարակ էր, գրկելուդ հայրան, Երեսդ կարմիր էր, պագնելուդ ղուրպան: Օր կ'ըսեն Իստամբուլ, սիրտս կը թնդա, Օր կ'ըսեն Իստամբուլ, սիրտս կը թնդա, Վախնամ էրթաս, չի գաս, տուշմանս խնդա, Վախնամ էրթաս, չի գաս, տուշմանս խնդա: Գըցի փոստախանան, նամակ ձգեցի, Տասնհինգ օր սպասեցի, ճուղապը չառի, Տասնհինգ օր սպասեցի, ճուղապը չառի: Այ աղջի, Եղսօ ջան, փօստաճին էկավ, Այ աղջի, Եղսօ ջան, փօստաճին էկավ, Կողակցեդ խապարներ, խապարներ բերավ, Կողակցեդ խապարներ, խապարներ բերավ: