ဗိုလ်နဂါးကိစ္စက တော်လှန်ရေးတပ် အချင်းချင်းဖြစ်တဲ့ ပြဿနာမဟုတ်ဘူး (ရုပ်/သံ) скачать в хорошем качестве

ဗိုလ်နဂါးကိစ္စက တော်လှန်ရေးတပ် အချင်းချင်းဖြစ်တဲ့ ပြဿနာမဟုတ်ဘူး (ရုပ်/သံ)

အမျိုးသားညီညွတ်ရေးအစိုးရ (NUG)အနေနဲ့ ဗမာအမျိုးသားတော်လှန်ရေးတပ်မတော် (BNRA) ကိုဝင်ရောက်စီးနင်းတဲ့ဖြစ်စဉ်က တော်လှန်ရေးတပ်အချင်းချင်းဖြစ်တဲ့ ပြဿနာမဟုတ်ဘူးလို့ NUG ပြည်ထဲရေးနှင့် လူဝင်မှုကြီးကြပ်ရေးဝန်ကြီးဌာန ဒုတိယဝန်ကြီး ဦးကျော်နီက ပြောပါတယ်။ စစ်ကိုင်းတိုင်း၊ ယင်းမာပင်ခရိုင် ပုလဲမြို့နယ်မှာ ဗမာအမျိုးသားတော်လှန်ရေးတပ်မတော် (BNRA) ရဲ့ ခေါင်းဆောင် ဗိုလ်နဂါးကို သူကျူးလွန်ထားတဲ့ပြစ်မှုတွေအတွက် အင်အားသုံး ဖမ်းဆီးဖို့ကြိုးပမ်းနေချိန် ဖေဖော်ဝါရီ ၁၈ ရက်နေ့မှာ စစ်ကော်မရှင်က ရဟတ်ယာဉ်နဲ့ လာရောက်ခေါ်ဆောင်သွားခဲ့တာလို့ မြေပြင်သတင်းရင်းမြစ်ကပြောပါတယ်။ စစ်ကော်မရှင်ရဲ့ ထုတ်ပြန်ချက်မှာတော့ ဗိုလ်နဂါးဟာ မိသားစုဝင်တွေနဲ့အတူ လက်နက်နဲ့တကွ အလင်းဝင်လာတယ်လို့ ထုတ်ပြန်ခဲ့ပါတယ်။ ဗိုလ်နဂါးကို မုဒိန်းကျင့်လူသတ်ရန်ကြံစည်မှု၊ လူသတ်မှု၊ သက်ငယ်မုဒိန်းနဲ့ NUG ဂိတ်စခန်းကို စီးနင်းခဲ့မှုတွေအပါအဝင် အမှု ၇ မှု ကျူးလွန်ထားတယ်လို့ NUG ရဲ့ ပြည်ထဲရေးနဲ့ လူဝင်မှုကြီးကြပ်ရေး ဝန်ကြီးဌာနက အာဏာသိမ်းစစ်တပ်နဲ့ ဗိုလ်နဂါး ပူးပေါင်းသွားချိန်မှာပဲ ထုတ်ပြန်လာပါတယ်။ NUG အနေနဲ့ ဗိုလ်နဂါးကို ဘာကြောင့်စီးနင်းဖမ်းဆီးဖို့ ဆုံးဖြတ်ခဲ့တာလဲ၊ ဗိုလ်နဂါးကို စစ်တပ်ကကယ်ထုတ်သွားမှု အခြေအနေနဲ့ နောက်ဆက်တွဲအခြေအနေတွေကို အမျိုးသားညီညွတ်ရေးအစိုးရ ပြည်ထဲရေးနဲ့ လူဝင်မှုကြီးကြပ်ရေးဝန်ကြီးဌာန ဒုတိယဝန်ကြီး ဦးကျော်နီကို ဧရာဝတီကဆက်သွယ်မေးမြန်းထားပါတယ်။ #မြန်မာ #ဧရာဝတီ #ဗိုလ်နဂါး #BNRA #NUG #ပုလဲ #WhathappensInMyanmar