Қымбатшылық қалтадан қақты ма? Желіде "Алтын белгілер" жаппай сатылып жатыр скачать в хорошем качестве

Қымбатшылық қалтадан қақты ма? Желіде "Алтын белгілер" жаппай сатылып жатыр

"Нұр-Отанның үздігі", "Алтын белгі" төсбелгілері мен көп балалы аналарға арналған "Алтын алқалар" ғаламтор арқылы сатылып жатыр. Қазір кез келген осындай марапат түрлерін интернеттен тапсырыс берсеңіз, тіпті үйіңізге дейін жеткізіп береді. Тек ақысын төлесеңіз болғаны. Мәселен, елдің беделді деген «Нұр Отан» партиясының үздігі болғыңыз келсе, қырық мың теңгеге шығындалуыңыз керек. Ал талайлар арман еткен «Алтын белгілерді» түлектер неге жаппай сатылымға қойған? Әріптесім зерттеп көрді. Қазір қалтаңызда артық ақшаңыз болса, төсбелгінің небір түрін интернет арқылы сатып алуға болады. Мәселен, хабарландырулардың арасында «Нұр Отан» партиясының төс белгісі де жүр. Бұдан бөлек интернетте мектепті үздік тәмамдаған түлектердің «Алтын белгісі» сатылымға көп шығарылыпты. Осындай хабарландырулардың біріне біз де хабарластық. Төс белгі иелері талайға арман болған марапаттарды саудаға шығарудың өз себебі бар дейді. Елімізде берілетін түрлі төсбелгі, медальдарды ОЛХ сайтында қолжетімді бағаға сатып алуға болады. «Нұр отан» партиясының үздігіне берілетін төсбелгі қырық мың теңгеден жоғары бағаланыпты. "Алтын белгі" иегері болғыңыз келсе, жиырма мыңнан екі миллион теңгеге дейін төлеуіңіз керек екен. Ал көп балалы аналарға берілетін алтын алқалар жиырма бес мың теңгегеден сатылуда. Түрлі олимпиадада көш бастады деген атақ керек болса, ол да бар. Медальдардың бағасы жүлде орнына қарай бес мыңнан басталады. Білім және ғылым министрігінің ақпаратынша, "Алтын белгі" төсбелгісі меншік зат болғандықтан, оны сатуға заңмен тыйым салынбаған. Дегенмен, оның сертификатында иесінің аты-жөні жазылады. Сондықтан төсбелгіні бөгде адамға табыстаудың немесе сыйлаудың мәні жоқ. Тек коллекционерлерге керек болуы мүмкін. Ал, тәуелсіз сарапшылар қазір қандай да марапат түрлерінің қоғамда еш құны қалмағанын айтады. АЯТЖАН АХМЕТЖАНҰЛЫ, қоғам белсендісі: – Қандай да бір атақтың сатылуы, медальдардың қара базардағы өзінің алған атағын сату ол енді сол атақтың құны қалмады деген сөз. Мектепте болсын, мемлекетте болсын көптеген атақтың құны қалған жоқ. Қоғамда атақтың құны қалмай бара жатыр. Өйткені қолжетімді болып кетті. Мемлекеттік сатып алу порталында "Алтын белгінің" бір данасы 9250 теңге ғана тұрады. Бірақ ол алтыннан жасалмаған. Мыс және мырыш металдарының арнайы қорытпасынан дайындалады. Ал «Нұр Отан» партиясы белгінің партияға тиесілі екенін растады. Төсбелгі 2008 жылы шыққан екен. Партия жарнаманың авторын табу үшін полицияға жүгінетіндерін жеткізді. . . . Бізді әлеуметтік желіде оқыңыздар: Youtube -   / @informburo31kanal   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #информбюро #басты_жаңалықтар #Ақиқатын_Айтайық