هبايب نجد - كلمات حمود بن خلف -اداء : ماجد خضير скачать в хорошем качестве

هبايب نجد - كلمات حمود بن خلف -اداء : ماجد خضير

هِبي علينا يا هبايب نجد من يم الشمال واستلهمي غيداً لهيب القيض ما يحلا لها ريميةٍ تِوصف على الواقع وتسكن فالخيال لا هبّ ذعذاع الطواري قام يلعب شالها العام زعلت يوم وصّفت العبيّه والغزال واليوم حرف اسمي معلقته على سلسالها من كثر ماهي شامخه ما تشبه الا اخت العيال اللي خطاطيب العرب ما فيه احد ما جا لها من كثر ماهي فاتنه لامرت اسماع الرجال كلٍ يقول اسلم وسلّم لي على اللي قالها عطفة تحدي سقتها يوم التحدي والنزال وان شبهوها فالاصيله قلت انا خيالها ما يكحل عْيون الكحيله غير محمود الفعال والمرجله عيطاً تتعب كلّ من يرقا لها ما يشرب الفنجال الاول من مباهير الدلال الا العديم اللي يمينه شرّفت فنجالها قرمٍ كلامه مثل حدّ السيف واليا قال طال مهدي سعد دايم ليا من قال كلمه طالها في عينه تْشوف العَشاء لا كشّرت سود الليال ويمناه ما ياقف على طول السنه همالها اليا عزم قال ارحبو والفال يقفاه العقال لو كان ما يملك ضريبة فالها وعقالها الجود جود اللي تجود ايدينهم من قل مال ماهوب جود اللي ما ينقص جودها من مالها يا حي عين اللي فعوله للعرب مضرب مثال متنه يدف الكايده … والمعضله يشتالها ان قلت ابوخالد تحزّم وابتجح في كل حال لا كِبرت اصعاب الدعاوي جالها حلّالها خلك من اللي يمدحونه كلّ ما جا له مجال هذا مديحه من فعوله والسعد يبرا لها عنده على زلات ربعه وسع صدر وْسع بال والكلمه اللي تجرح الاصحاب ما قد قالها لا عدّو امجاد النشاما مهدي امجاده لحال من عزوةٍ يستنطق التاريخ مجد ابطالها الاد مشيب محتمين ام المطارق والهلال قدام نجد إيصير فيها نصرها وهلالها ما كان فيها غير ذبحٍ يشبه إلذبح الحلال لين ان اخو نوره تمثناها وزيّن فالها واليوم نفخر ونتباها والفعايل ما تزال فزعة عتيبه بين فزعات الرجال إلحالها بعض المواقف مثل بدع القاف تحتاج ارتجال والوقفه اللي تتعب ازحول العرب حنا لها حنا عتيبه مجدنا كامل … ولله الكمال الله يعزّ العزوه اللي ما تشيب افعالها حمود بن خلف