အာဏာတည်မြဲရေး ပံ့ပိုးသူတွေကို စစ်ခေါင်းဆောင်က ဘွဲတံဆိပ်တွေပေး (ရုပ်/သံ) скачать в хорошем качестве

အာဏာတည်မြဲရေး ပံ့ပိုးသူတွေကို စစ်ခေါင်းဆောင်က ဘွဲတံဆိပ်တွေပေး (ရုပ်/သံ)

စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်ဟာ မတ်လ ၂ ရက် တောင်သူလယ်သမားနေ့မှာ စစ်တပ်ထောက်ခံသူ ၃၀၀ ကျော်ကို ဂုဏ်ထူးဆောင်ဘွဲ့တံဆိပ်တွေ ချီးမြှင့်လိုက်ပါတယ်။ ဒီဆုပေးပွဲမှာ အငြင်းပွားဖွယ်ရာ ၂၀၂၅ ရွေးကောက်ပွဲကို အပိုင်းလိုက်ခွဲပြီး ကျင်းပခဲ့တဲ့ ရွေးကောက်ပွဲကော်မရှင်ဥက္ကဋ္ဌ ဦးသန်းစိုးနဲ့ အဖွဲ့ဝင်တွေကို စည်သူဘွဲ့နဲ့ သီရိပျံချီဘွဲ့တွေ ပေးအပ်ခဲ့သလို၊ ICJ နိုင်ငံတကာတရားရုံးမှာ ရိုဟင်ဂျာလူမျိုးတုံးသတ်ဖြတ်မှုစွပ်စွဲချက်တွေကို သွားရောက်ခုခံခဲ့တဲ့ ဦးကိုကိုလှိုင်နဲ့ ဒေါက်တာသီတာဦးတို့ကိုလည်း စည်သူဘွဲ့တွေ ချီးမြှင့်ခဲ့ပါတယ်။ ဒါဟာ စစ်တပ်ရဲ့ အဓိကလုပ်ငန်းစဉ်တွေမှာ ပူးပေါင်းဆောင်ရွက်ခဲ့သူတွေကို အပြန်အလှန် အကျိုးစီးပွားအရ မြှောက်စားလိုက်တာလို့ တော်လှန်ရေးအင်အားစုတွေနဲ့ လေ့လာသူတွေက ဝေဖန်နေကြပါတယ်။ ဒါ့အပြင် အာဏာသိမ်းကာလတလျှောက် စစ်တပ်အတွက် ဝါဒဖြန့်ချိပေးခဲ့တဲ့ အနုပညာရှင်တွေနဲ့ သတင်းသမားတွေကိုလည်း ဆုတံဆိပ်တွေ အများအပြား ပေးအပ်ခဲ့တာ တွေ့ရပါတယ်။ သရုပ်ဆောင် ခန့်စည်သူကို အလင်္ကာကျော်စွာဘွဲ့ ပေးအပ်ခဲ့သလို၊ အွန်လိုင်းပေါ်မှာ အမုန်းစကားနဲ့ ဝါဒဖြန့်ချိမှုတွေ လုပ်ဆောင်နေတဲ့ မိုးဟိန်း၊ နောင်တော်လေးနဲ့ Sniper Su တို့လို သတင်းသမားဆိုသူတွေကိုလည်း လူမှုထူးချွန်ဆုတွေ ချီးမြှင့်ခဲ့ပါတယ်။ စစ်ခေါင်းဆောင်ကိုယ်တိုင်လည်း ဂုဏ်ထူးဆောင်ပါရဂူဘွဲ့ကို ရယူခဲ့ပြီး၊ အစိုးရသစ်မဖွဲ့ခင်ကာလအတွင်း မိမိဘက်တော်သားတွေကို ဘွဲ့ထူးတွေနဲ့ သူကောင်းပြုလိုက်တာဟာ ဝါဒဖြန့်ယန္တရားကို ဆက်လက်ထိန်းသိမ်းဖို့ ကြိုးပမ်းတဲ့ စစ်တပ်ရဲ့ ရိုးရာဗျူဟာတခုသာ ဖြစ်တယ်လို့ သုံးသပ်မှုတွေ ထွက်ပေါ်နေပါတယ်။ #မြန်မာ #ဧရာဝတီ #မင်းအောင်လှိုင် #အမုန်းစကား #ဝါဒဖြန့် #ဘွဲ့တံဆိပ် #WhatIsHappensInMyanmar