生死之交變走肉朋友！素菜之特盛《邦邦！我嚟黐餐！》周國賢 Endy Chow X 藍奕邦 ｜SUCH/ Food скачать в хорошем качестве

生死之交變走肉朋友！素菜之特盛《邦邦！我嚟黐餐！》周國賢 Endy Chow X 藍奕邦 ｜SUCH/ Food

SUCH/ Food 晚晚也是禮拜六 哪個守齋不食肉！《邦邦！我嚟黐餐！》周國賢 X 藍奕邦 素菜之特盛 千呼萬喚，萬眾期待嘅周國賢周仔終於壓軸登場喇！相信有唔少朋友都知道依集將會係《邦邦！我嚟黐餐！》第一季嘅最後一集，SUCH團隊都想喺度多謝各位觀眾嘅支持同喜愛。一直以嚟，我哋想做嘅嘢其實好簡單，就係創作一啲啱香港人睇嘅內容，希望各位睇得開心之餘，都有啲深度啲嘅嘢袋走。而興幸嘅係喺第一季入面，無論係邦邦，定係嘉賓們：Alfred、栢堅、欣宜同周仔，都好願意向大家敞開心扉，喺度都想多謝佢哋對SUCH團隊嘅信任。至於第二季，就真係要再睇下我哋有無運氣搵到多啲資金支持喇（拍片係真係好貴的...），而想有多幾集睇嘅朋友，不妨考慮下幫幫手叫多啲朋友上嚟CLS呀！雖然第二季未有著落，不過我哋至少都應承住大家，喺不久嘅將來將會推出第一季嘅絕密無尺度版本，等一直覺得唔夠喉嘅朋友可以起返個靚筷！ 講返今集，其實只要留意下周仔同邦邦合作作品嘅數量，都估到佢哋嘅關係非一般，起碼都一定係知音人先，而原來佢哋嘅連繫係遠超於音樂上嘅戰友。當周仔面對低潮嘅時候，邦邦會突登遠赴加拿大探佢，唔會俾佢自己一個意志消沉；當邦邦未有決心重新出發嘅時候，周仔又會對佢當頭棒喝，唔俾佢虛耗光陰，大概依種就係現代社會嘅生死之交。正因為佢哋之間深厚嘅交情，即使周仔近排開始咗食素，邦邦都完全唔介意花多少少功夫，整個全素特盛，做唔到酒肉朋友，都可以做走肉朋友呀嘛！ 而今次嘅菜式依然非常豐富，包括紅菜頭素湯、新豬⾁麻婆⾖腐、煎腐⽪卷同素蠔油炆冬菇素雞，連素食都可以整到三餸一湯，仲要係真真正正嘅色香味俱存，真係無得唔佩服邦邦對朋友嘅心機同埋廚藝！喺愛心素菜餐嘅加乘底下，當晚嘅氣氛可謂異常溫馨，邦邦同周仔都分享咗好多鮮為人知嘅心路歷程同隱藏故事。所以，無論係對素食餐大感興趣嘅朋友，定係邦邦同周仔嘅忠實fans，依集都絕對唔會令大家失望。 睇完想即刻大顯身手嘅朋友，可以即刻用戶戶送 Deliveroo @deliveroo_hk嗌齊食材，方便快捷！ 而對片中嘅Sake有興趣嘅朋友，就可以去以下大湖清酒嘅website了解更多！ https://www.taiko-sake.com/ Pong Pong素菜之特盛 材料⼀覽： 紅菜頭素湯： 紅菜頭 ⽜蒡 蘋果 粟⽶ 紅蘿蔔 南北杏 蜜棗 無鹽腰果 薑 陳皮 新豬⾁麻婆⾖腐： 郫縣⾖瓣醬 蒸煮⾖腐 新豬⾁ 花椒油 或 花椒粉 乾辣椒 即食榨菜 蒜 ⾖豉 薑 蔥 芫茜 豉油 素蠔油 麻油 糖 ⾖粉 煎腐皮卷： 腐皮 鮮腐⽵ 沙葛 ⽢筍 ⽊耳 冬菇 芽菜 ⽩楜椒粉 糖 素蠔油 豉油 冬菇粉 芝麻油 ⽣粉⽔ ⿊醋 素蠔油炆冬菇素雞： 冬菇 素雞 唐⽣菜 薑 蒜 乾蔥 ⽩楜椒粉 冰糖 素蠔油 老抽 豉油 芝麻油 鹽 #藍奕邦 #周國賢 #素菜 #素食 #Vegan #SUCH 記得喺Facebook, Instagram, YouTube密切留意SUCH HK： Facebook:   / such.hongkong   Instagram:   / such.hk   YouTube:    / suchhk