Раҳмат Сизга "Кун.уз" ва Расул Кушербаев! Мен ўғлимдан узр сўрайман... (Изоҳи ҳаволада!) скачать в хорошем качестве

Раҳмат Сизга "Кун.уз" ва Расул Кушербаев! Мен ўғлимдан узр сўрайман... (Изоҳи ҳаволада!)

Ўғлим Эркин Усмонов икки йил аввал сотиб олган ерига уй қуриш ҳаракатига тушган эди. Унга қўлимдан келганича ёрдам беришга тайёр эдим. Минг афсуски, 2024 йил апрель ойида Яшнабод туман ҳокимининг ўринбосари ўша ҳудуддаги бир-иккита ноқонуний қурилмаларга қўшиб ўғлимнинг уйини ҳам буздириб ташлабди. Ўғлим Яшнабод туман ҳокимининг ўринбосарини топиб, аҳволни тушунтирибди, уйи ҳужжатларини кўрсатибди. Ҳоким ўринбосари "яхшиси судга мурожаат қилинг, ўшанда биз зарарни ундириб беришимиз осонроқ бўлади" депти. Эркинжон ўғлим мендан маслаҳат сўради... Мен: "Яшнабод туман ҳокими ўринбосарининг айтганини қилавер, улар яхши билишади" дедим. Ўғлимга, туман ҳокимлари ва ўринбосарларининг иш-ташвишлари бошларидан ошиб ётгани, уларга ҳам осонмаслиги ҳақида бирор соат ваъз ҳам ўқибман ўшанда... Ўғлимнинг адвокати қатъий саъй-ҳаракат қилиб, ишни Тошкент шаҳар прокуратурасига юборибди. Ўғлим яна мендан маслаҳат сўраганида, мен: "Тошкент шаҳар прокуратураси қонуний ҳал этишига ишонаман! Менинг аралашишимга ҳожат йўқ", деб яна ўзимни олиб қочдим... (Очиғи, эндигина тикланаётган соғлиғим бунақа ғалваларни кўтаришга ожизлик қилади...) Ўғлим адвокати билан кўп сарсон-саргардон бўлиб югураётганларини кўриб эзилдим, барибир, Яшнабод туман ҳокимлиги мутасаддиларига ишониб ўтиравердим... Бир йил сарсон-саргардон бўлган ўғлим ва адвокати ниҳоят "Кун.уз" жамоасига мурожаат қилишибди. Кейин жасоратли ҳамкасбим Расул Кушербаев ҳам жуда адолатли чиқиш қилибди. Очиғи, журналистлик касбимдан ҳеч қачон оилам манфаати учун фойдаланмаганман. Буни ўзимга асло эп кўрмайман... Эркинжон ўғлимга журналист ва ўтган беш йилликда туман депутати бўлган отаси, яъни, мен кўрсата олмаган ёрдамни қойилмақом қилиб уддалаган адвокатига, "Кун.уз" жамоасига ва қадрли Расул Кушербаевга самимий миннатдорчилик билдираман. Анча улғайиб, ўз ҳақ-ҳуқуқларини билиб қолган ўғлимнинг олдида анча хижолатдаман... Ота бўлиб зарур пайти ёрдам беришга ожизлик қилганим учун ўғлим Эркинжондан узр сўрайман... Кексалик боғлари томон солланиб бораётган журъатсиз отангни кечир, ўғлоним.. Тўлқин Эшбек, журналист ва собиқ туман депутати... 2025 йил 21 март.