Umulan ng Bote sa Tondo Demolisyon, Hinarang ng mga Residente скачать в хорошем качестве

Umulan ng Bote sa Tondo Demolisyon, Hinarang ng mga Residente

Nagkaroon ng tensyon sa pagitan ng mga residente ng Barangay 227 at demolition team sa Tondo, Maynila matapos umulan ng bote, bato at iba pang bagay na inihagis ng mga naninirahan laban sa mga demolition team ikinasa ang demolisyon sa mga bahay sa kahabaan ng Abad Santos Avenue malapit sa Antipolo Street bunsod ng inilabas na court order upang paalisin ang mga residente at maibalik sa pribadong kompanya ang lupang pinag-aawayan. Tumanggi ang mga residente na lisanin ang lugar dahil umano sa kawalan ng malinaw na dokumentong maipakita ang sheriff. Bilang tugon, barikada ng mga yero ang itinayo nila sa harapan ng kanilang mga bahay. Tatlong ulit na nagtangkang pumasok ang demolition team kasama ang mga pulis, ngunit sinalubong sila ng mga nagliliparang bote, bato at kahoy mula sa mga residente. Dalawang pulis kabilang ang isang police major ang nasaktan matapos madaplisan ng inihagis na bote Kabilang pa sa mga namagitan upang mapahupa ang tensyon ang hepe ng MPD Station 7 at tatlong konsehal ng Maynila, na nakiusap na ipagpaliban muna ang isinasagawang demolisyon.