ئىستانبۇل فەتھىنىڭ 568 يىللىقىنى تەبرىكلەيمىز скачать в хорошем качестве

ئىستانبۇل فەتھىنىڭ 568 يىللىقىنى تەبرىكلەيمىز

1432 - يىلى 30 - مارت كۈنى، ئەدىرنە سارىيىدا بىر تەنتەنە بار ئىدى. ئەسلىدە، تەنتەنە پەقەت بىر شاھزادىنىڭ تەۋەللۇتى بائىس ئەمەس، دەۋلەتى ئالى ئوسماننىڭ يېڭى ئۇپۇقلىرى، جاھان شۇمۇل ئىمپېرىيىنىڭ شەپەق تەنتەنىسى مۇھەممەد خان ئىدى. ئىستىدادىنى قاندۇرۇشقا نە ساناقسىز كۇتۇپخانىلار، نە ئوردىغا تولۇپ تاشقان ئالىملار يېتەتتى. ياش تۇرۇپلا ئۆتكۈر ئەقىل - پاراسىتىنى، ئىلىم - ئىرپان بىلەن بىلەيلىدى. پەقەت دۆلەتلەرگىلا ئەمەس، بەلكى سەنئەت ۋە ئىلىم - پەننىڭ سىرلىرىغىمۇ ھۆكۈمران بولۇشنى ئارزۇ قىلاتتى، چۈنكى قەلبىدە بىر سەۋدا بار ئىدىكى، كۈندۈزى ئوي - خىيالىدىن، كېچىسى چۈش - رۇيالىدىن چىقمايتتى. تېخى تەختكە چىقماي تۇرۇپ ئۇ چۈشىنى قانداق روياپقا چىقىرىشنى پىلانلاشقا باشلىغانىدى. «كونستانتىنىيە ئەلۋەتتە بويسۇندۇرۇلىدۇ. ئۇنى بويسۇندۇرغان قوماندان نېمىدېگەن ئېسىل قوماندان، ئۇنىڭ قوشۇنى نېمىدېگەن ياخشى قوشۇن» كونستانتىنىيە - شەرقىي رىم ئىمپېرىيىسىنىڭ ئەڭ قىممەتلىك گۆھىرى، ھەيۋەت ۋە قۇدرەتنىڭ يەر يۈزىدىكى تەختى. گۈزەللىكى تەڭداشسىز، ئورنى ۋە ھۆكۈمى بىباھا ئىدى. ئۇنىڭغا ئېرىشىش ئۈچۈن ھەرقانداق بەدەل تۆلەش ئېغىر ئەمەس ئىدى.