Çəpgözlüyün eynəklə müalicəsi скачать в хорошем качестве

Çəpgözlüyün eynəklə müalicəsi

Daha əvvəl çəpgözlüyün növləri və yaranma səbəbləri haqqında danışmışam. Ünvanlanan suallara əsasən çəpgözlüyün eynəklə müalicəsi haqqında da danışmalı olduğum qənaətinə gəldim. Aşağıdakı linklərə daxil olaraq məni digər sosial şəbəkələrdən də izləyə bilərsiniz. Facebook:   / rafadarxalilov   İnstagram:  / rafadarxalilov   Çəpgözlüyü eynəklə düzəltmək mümkündürmü? İlk olaraq çəpgözlüyün növü aşkar olunmalıdır. Yəni göz çəpləşibsə, səbəb tapılmalıdır. Əgər refraktiv bir qüsura bağlıdırsa, yəni zəif görməyə bağlıdırsa, belə olan hallarda eynəklə istədiyimiz nəticəni əldə edə bilirik, bəli. Gözün dərəcəsi təyin olunur. Dərəcəyə uyğun eynək yazılır. Eynəklə görmə istədiyimiz səviyyəyə qaldırıla bilirmi? İki hal var. Bəzən eynək verilən kimi istədiyimiz səviyyə, yəni eynəkdə 100 faizli bir görmə əldə olunur. Belə olan hallarda problem daha asanlıqla həll olunur. Yəni çox qısa müddətdə, 2 həftəyə, 3 həftəyə nəticə əldə etmək mümkündür. Amma bəzi hallarda gözlərin hər hansı birində və ya ikisində ambliopiya dediyimiz tənbəllik əmələ gəlmiş olur. Bu ambliopiya, yəni hipermetrob olan gözlərdə ambliopiyanın ortadan qaldırılması çox vaxt tələb edir və səbr tələb edir. Gözün biri korreksiya ilə, adətən, tama qədər qalxır, 100 faiz görür. Digər göz 20 faiz və ya 30 faiz və ya 40 faiz. Ümumiyyətlə, iki göz arasında görmə fərqi 30 faizdən çoxdursa, zəif görən göz çəpləşməyə meyillidir. Yəni bir göz 100 faiz görürsə, o biri göz 70 faizdən az görürsə, 70 faizdən az görən gözdə hər vaxt, həmişə çəpləşmə gözlənilir. Ona görə mümkün qədər gözlər arasındakı görmə fərqini azaltmağa çalışırıq. Bunu azaltmaq üçün əlimizdən nə gəlir? Birincisi, qapama. Doğru korreksiya olunmalıdır. Yəni qüsur varsa, o qüsura uyğun eynək yazılır. İkincisi, sağlam görən gözdə pasiyentin yaşına görə müddət təyin olunur: yarım saatmı, 2 saatmı, 3 saatmı, 4 saatmı? Orada da yaş çox önəmlidir. Yaşa uyğun sağlam göz qapaqlı, digər göz daha çox işlədilir. Bəzi hallarda əlavə fizioterapevtik müalicələrə, alətlərlə müalicələrə göndərilir. Həmin göz müalicə olunsun və görməsi daha da yüksəlsin. Çünki görmə faizi qalxdıqca göz obyektləri fiks etməyə başlayır. İki göz arasında tarazlıq ortaya çıxmağa başlayır. Beyin artıq ondan gələn informasiyanı da analiz materialı olaraq aldığına görə beyin artıq onu da idarə etməyə başlayır və yekunda çəplik daha asan toparlanmış olur. Gözlər daha asan ortaya gəlmiş olur. Əksər hallarda, yəni praktikada gördüyüm, bəlkə də çəpgözlərin 70 faizi eynəklə toparlanır. Eynəklə toparlanmaq nə deməkdir? Bəzən pasiyentlərimiz doğru anlamırlar. “Eynək taxacağıq 3 ay, 5 ay, 1 il. Ondan sonra, artıq eynək taxmayacağıq, amma uşağımızın gözü də düzəlmiş olacaq, daha çəpləşməyəcək”. Yox, eynəklə toparlamaq odur ki, eynəyi taxanda çəplik düzəlir. Eynəyi çıxardanda göz yenə də çəpləşəcək. Gözümüz niyə çəpləşirdi? Zəif gördüyünə görə, yorulduğuna görə. Əgər biz eynəyi çıxarsaq, göz yenə zəif görəcək, göz yenə yorulacaq. Yəni göz yenə də çəpləşəcək. Yəni bizim eynəkdən gözlədiyimiz eynəyi taxdığımız vaxtı çəpliyin toparlanmağıdır. Eynəyi çıxardandan sonra gözün çəpləşməsini, onu biz şikayət kimi qəbul etmirik. Bəli, eynəyi çıxardan kimi göz yenə də çəpləşəcək. Vaxtında, düzgün yazılmış eynək və valideynlərə düşən hissəsi də həkimin xəstə üçün tövsiyə etdiyi tələbləri yerinə yetirməkdir. Eynəyi taxmağa nəzarət olunmalıdır. Əgər qapanmaya ehtiyac varsa, qapanacaqsa, həmin gözü doğru bağlamaq və mümkün qədər yorğunluğu azaltmaq. Bunlara riayət edərsə, akkomodativ strabismus (Çəplik) toparlanır, eynəklə düzəlir.