අකුරැස්ස , වැලිහේනේ කෘතවේදී ගම්වැසියන් දුන් ආදර්ශය скачать в хорошем качестве

අකුරැස්ස , වැලිහේනේ කෘතවේදී ගම්වැසියන් දුන් ආදර්ශය

මේ වන විට 96 වියේ පසුවන අකුරැස්ස වැලිහේන ශ්‍රී සුභද්‍රරාමාධිපති , සර්පවිෂ වෛද්‍ය පූජ්‍ය රඹුකන ඥාණරතන හිමියන් ගේ සාශනික සහ සාමාජීය සේවාවන් අගයමින් ගම්වාසී තරුණ ප්‍රජාව එක්ව රඹුකන ඥාණරතනාභිධාන පදනම නමින් සංවිධානයක් පිහිටුවන ලදී. එම පදනම මගින් අකුරැස්ස වැලිහේන ශ්‍රී සුභද්‍රරාම පුන්‍ය භූමිය සහ අකුරැස්ස - පිටබැද්දර මාර්ගය ආසන්නයේ පිහිටි ගොඩගම්බෙන නම් ජලාශය අසල බුද්ධ මන්දිරයක් ඉදිකොට සමාධි ප්‍රතිමාවහන්සේ නමක් වැඩම කිරිම 2025-09-27 දින පැවැත්වින. අකුරැස්ස නගරයේ සිට රථ පෙරහැරකින් සම්බුද්ධ ප්‍රතිමාව වැලිහේන ගම්මානයේ අවසානය තෙක් කිලෝමිටර් හයක පමණ දුරක් වඩමවාගෙන ගොස් නැවත අලංකාර පෙරහැරකින් සම්බුද්ධ මන්දිරය වෙත වැඩමවන ලදී. මෙම කටයුතු අතරතුර ප්‍රදේශයේ තරුණයෙකු වන ඉෂාන් මහතා සිය නිවසේ වසර 10ක් සුරතලයට ඇතිදැඩි කල විශාල මත්සයෙකු ගොඩගම්බෙන ජලාශයට මුදාහැරියේ අන් අයට ද තමන්ගේ නිවසේ ඇති කරස සුරතල් මසුන් මේ ආකාරයෙන් මෙම ජලාශයට මුදාහරින ලෙසට ඉල්ලීමක් ද කරමිනි. (09 වීඩියෝව ). ගොඩගම්බෙන ජලාශය තුල ඉදිකල අලංකාර පිරිත් මණ්ඩපයක් තුල පසුදා පහන්වනතුරු ප්‍රදේශයේ විහාරස්ථාන වල භික්ෂුන් වහන්සෙලාගේ සහභාගීත්වයෙන් සර්වරාත්‍රික පිරිත් සත්ගායනාවක් ද පැවැත්වීය. මෙම පුන්‍යකර්මයට සමගාමීව අකුරැස්ස නගරයේ ව්‍යාපාරිකයෙකු වන එම්.ඒ. සමරසිංහ මහතාගේ පූර්ණ ධන පරිත්‍යාගයෙන් පැමිණි සියළු දෙනාට බත් දන්සලක් පැවැත්විය. අකුරැස්ස වැලිහේන තරුණ ප්‍රජාව මුල්තැන ගෙන පවත්වපු මේ පුන්‍යකර්මයට මුළු ගමේම සියළු දෙනා උපරිම සහයෝගය දක්වමින් මේ අවස්ථාවට සහභාගීවූහ. කෙනෙකුගේ ජීවිතේ අවසන් වු විට ගුණ වැයීම වෙනුවට ජීවතුන් අතර සිටින කාලයේ මෙවැන්නක් පැවැත්විම ආදර්ශමත් ක්‍රියාවකි.