Debate në kuvend, Berisha: Asnjë rekomandim i ODHIR nuk do të bllokohet-(23 Shkurt 2012) скачать в хорошем качестве

Debate në kuvend, Berisha: Asnjë rekomandim i ODHIR nuk do të bllokohet-(23 Shkurt 2012)

Lajme Arkiva 2012 Reforma zgjedhore dhe ajo parlamentare, dy nga angazhimet për të cilin në Nëntorin e vitit të kaluar klasa politike ra dakord për t’i përmbushur, si kushte të Brukselit për statusin e vendit kandidat kanë ndezur debate në sallën e kuvendit. Në emër të opozitës kreu i grupit kuvendor socialist Gramoz Ruçi akuzoi mazhorancën se po i bllokon qëllimisht këto dy reforma. Gramoz Ruçi: “Keni bllokuar dy reforma të rëndësishme që janë kërkesa të progres-raportit. Këto dy detyra qe ka parlamenti shqiptar t’i përmbushte në afatin që kemi përcaktuar bashkërisht. Në cilën parlament të botës, më thoni një demokratik, që flet kryeministri dhe s’ka përgjigje nga opozita. Vetëm këtu, vetëm në Shqipëri. Kërkoni ta vendosni ju. Këtë do të korrigjojë opozita shqiptare.” Në kundërpërgjigje të qëndrimit të opozitës, kryeministri Berisha akuzoi lidershipin e socialistëve, Edi Rama për prishje të njëanshme të marrëveshjes së Nëntorit. Sipas tij përmes amendimeve të reja të rregullores së kuvendit opozita kërkon të prekë kushtetutën. Sali Berisha: “Kërkoi që kryeministrit t’i kufizohet koha, që kryeministrit dhe ministrat të mos mund të marrin fjalën në parlament ndryshe veçse në cilësinë e deputetit, që kryeministri të ketë kohë të barabartë me kryetarin e minorancës. Dhe për të bllokuar reformën shkel marrëveshjen dhe kërkon ndryshimin e kushtetutës, kërkoi dekretet t’i votojmë fshehtas. Dekreti nuk është person, por është akt madhor juridik. Harrojeni çdo formë presioni mbi këtë shumicë. Doni zotëri të zbatojmë marrëveshjen, jemi të gatshëm 100%. S’doni, 2013 vjen dhe shqiptarët do të japin verdiktin e tyre.” Por kreu i grupit kuvendor socialist ndërsa u ndal sikundër tha, tek bashkëpunimi i frytshëm mes palëve për ligjet me shumicë të cilësuar, kërkoi të njëjtin angazhim nga mazhoranca sa i përket përmbushjes së rekomandimeve të ODHIR-it për reformën zgjedhore. Gramoz Ruçi: “Nuk është opozita që kërkon dhe që ka teka dhe që ka ngecur kjo reformë dhe që shkelin një konsensus dhe një vendim që kemi marrë ne si parlament. Ku ka ngelur ajo, thjesht në 5 pika, listat e zgjedhësve, karta e identitetit, numërimi, KQZ e kërkon raporti i ODHIR, çështjen e kolegjit zgjedhor e kërkon raporti i ODHIR.“ Kryeministri Berisha garantoi se asnjë propozim i ODHIR nuk do të bllokohet nga mazhoranca, por ai i ftoi socialistët të heqin dorë nga filozofia e urrejtjes së humbjes në zgjedhje. Sali Berisha: “As dhe një rekomandim i vetëm i ODHIR nuk është bllokuar dhe nuk do të bllokohet. Por ju doni me çdo kusht të bllokoni statusin. Do vimë te kodi, jo more zotëri gjer tani ne kemi pranuar çdo propozim dhe ndër më absurdët se nëqoftëse gjeni kod në botë me dënim për procesin zgjedhor 8 vjet burg, hajde gjeje.Nuk bazohet kodi në urrejtjen që ti akumulon për humbjen tënde ndaj të tjerëve.” Debatet në sallën e kuvendit erdhën pas qëndrimit të kreut të Partisë Socialiste, Edi Rama, në mbledhjen e grupit, ku akuzoi mazhorancën se qëllimisht po pengon punën për finalizimin e dy reformave, asaj zgjedhore dhe parlamentare./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni n\u00eb faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t\u2019i ndiqni edhe n\u00eb faqen https://tvklan.al/programe/