Asif, Vasif, Ağasif (1983) скачать в хорошем качестве

Asif, Vasif, Ağasif (1983)

6+ Film üç balaca oğlu olan gənc ailə və bu ailənin uşaqların tərbiyəsi ilə bağlı qayğılarından bəhs edir. Ata vaxtının çoxunu iş yerində keçirdiyindən övladlarının tərbiyəsini ana öz öhdəsinə götürür. O, oğlanlarını dəbdə olan “tərbiyə üsulları” ilə böyütmək fikrindədir. Ana xüsusi cədvəl tərtib edir: uşaqlar musiqi və idmanla məşğul olmalı, xarici dil, süfrə arxasında, böyüklərin yanında davranmaq qaydalarını öyrənməlidirlər. Nənənin hərdən eşidilən etirazı evdə ancaq qanqaraçılığa səbəb olur. Atalarının gəlişi isə uşaqlar üçün əsl toy-bayrama çevrilir. Filmdəki əsas hadisələr də məhz Asif, Vasif, Ağasifin ataları ilə gəzintiyə çıxdıqları zaman baş verən “sərgüzəştlər”, daha doğrusu, ortancıl qardaşın "əyləncələri" ətrafında cərəyan edir. Filmdəki 3 uşaq rolu üçün 500 nəfər sınaqdan keçirilib. Çəkilişdə ümumilikdə 40-a yaxın uşaq yardımçı heyətdə iştirak edib. Çəkilişdə 69 və 83 saylı uşaq bağçalarının və Bakı şəhəri Yuri Qaqarin adına Pionerlər Sarayının kollektivi iştirak edib. Film Mərkəzi Televiziyanın sifarişi ilə çəkilib. Rejissor: Rasim İsmayılov Ssenari müəllifi: Nadejda İsmayılova Operator: Aleksandr Melkumov Rəssam: Məmməd Hüseynov Bəstəkar: Ruhəngiz Qasımova Rollarda: Emil Pənahov, Ramin Aslanov, Hökümə Cəlilova, Məmməd Məmmədov