#ታሪኽ скачать в хорошем качестве

#ታሪኽ

#ተምሃራይ ሊላይ ተስፋይ ብሰንኪ ሕማም ዘጋጠሞ መጉዳእቲ ኣካል 14 ዓመት ክሳብ ዝመልኦ ዕድል ትምህርቲ ከይረኸበ እዩ ፀኒሑ።ኣብ መበል 14 ዓመቱ ግና ማሕበር ልምዓት ትግራይ ተካይዶ ኣብ ዘላ ፕሮግራም ዝተዋደደ ዝተሳለጠ ትምህርቲ ተሓቚፉ ኣብ ወረዳ እንደርታ ጣብያ ኣኸዛ ኣብ ዝርከብ ቤት ትምህርቲ ትምህርቱ እናተኸታተለ ይርከብ። ተምሃራይ ሊላይ ተስፋይ ማሕበር ልምዓት ትግራይ ኣብ ዘመቻቸወቶ ባይታ ክመሃር ዕድል ዋላ እንተረኸበ ብዘለዎ መጉዳእቲ ኣካል ግና ንኸባቢ 30 ደቓይቕ ካብ ገዝኡ ናብ ቤት ትምህርቱ ተፋሒኹ ንምምሃር ኣዝዩ የፀግመሉ ከም ዝነበረን ትምህርቱ ዳግማይ ከይተኣጓጎልን ፍርሒ ይፈጥረሎም ከም ዝነበረ እዩ ወላዲኡ ዝዛረቡ። ነዚ ዝተዓዘቡ ኣብ ማልት መተሓባበሪ ዝተዋደደ ዝተሳለጠ ትምህርቲ ወረዳ እንደርታ ብዝሃቡዎ ጥቆማ ማሕበር ልምዓት ትግራይ ድማ ካብ ሰን ኢትዮጵያ ዝረኸበቶ ሓገዝ ዊልቼር ንተምሃራይ ሊላይ ኣረኪባቶ እያ። ተምሃራይ ሊላይን ወላዲኡን ድማ ንዝተገበረሎም ሓገዝ ካብ ልቢ ብምምስጋን ብዘላቕነት መፍትሒ ዘኸውን ናይ ሕክምና ዕድል ንኽረክብ ሓገዝ ወገናቶም ከይፍለዮም ይላበዩ። ኣብ ፕሮጀክት ካልኣይ ዕድል ዝተረኸበ ብሉፅ ተመኩሮ ብምስፋሕ ማሕበር ልምዓት ትግራይ ምስ ትካል ገባሪ ሰናይ ሉሚኖስ ፈንድ ብምትሕብባር ፕሮጀክታት ዝተዋደደ ዝተሳለጠ ትምህርቲ ኣብ ራያ ዓዘቦ እንዳመኾኒ፣ እንደርታን እምባኣላጀን ን4,800 ህፃናት ከምኡ’ውን ብመርሃ ግብሪ ዝተሳለጠ ትምህርቲ ኣቢሉ ኣብ ወረዳታት እንደርታ፣ እንዳመኾኒን ራያ ዓዘቦን ን3600 ህፃናት ተምሃሮ ይወሃብ ከምዘሎ በዚ ድማ ኣብ ውሽጢ ሓደ ዓመት መዘነኦም ናብ ዝበፅሕዎ ካልኣይን ሳልሳይን ብርኪ ትምህርቲ ዝሓልፍሉ ከይዲ ምምሃር ምስትምሃር ተሳልጥ ኣላ።