တော်လှန်သီချင်းသံတွေညံခဲ့တဲ့ ဒူဘိုင်းက မြို့ပြဂီတည | People's Spring скачать в хорошем качестве

တော်လှန်သီချင်းသံတွေညံခဲ့တဲ့ ဒူဘိုင်းက မြို့ပြဂီတည | People's Spring

တော်လှန်သီချင်းသံတွေညံခဲ့တဲ့ ဒူဘိုင်းက မြို့ပြဂီတည ဒီဇင်ဘာ-၁၄၊၂၀၂၅။ဆဏ်း/People's Spring UAE နိုင်ငံ ဒူဘိုင်းမြို့မှာ ပြုလုပ်ခဲ့တဲ့ မြို့ပြဂီတ ည ဖျော်ဖြေပွဲမှာ တော်လှန်သီချင်းသံတွေနဲ့အတူ တော်လှန်ရေးအတွက် သွေးမအေးကြောင်းပြသခဲ့ကြပါတယ်။ ဒီပွဲကို ဒီဇင်ဘာ ၁၃ ရက်ညမှာ တန်ဆောင်မုန်းပွဲတော်ပုံစံပြုလုပ်ခဲ့တာဖြစ်ပြီး အ‌ဆိုတော်တွေ အနေနဲ့ Lလွန်းဝါ ၊ ကောင်းကောင်းနဲ့ ခင်ဘုဏ်းတို့က ပါဝင်ဖျော်ဖြေခဲ့ပါတယ်။ ဒီပွဲက မြန်မာပြည်က လိုအပ်တဲ့နေရာကိုကူဖို့ ရည် ရွယ်ချက်နဲ့ လုပ်‌ဆောင်ခဲ့တာဖြစ်ပြီး ပရိသတ်အားပေးမှု အများအပြားရရှိခဲ့ပါတယ်။ရန်ပုံ​ငွေပွဲကိုတက်​ရောက်သူ တစ်​ထောင်​ကျော်ရှိတယ်လို့ သွား​ရောက်ခဲ့သူပြည်သူတဦးက​ပြောပါတယ်။ "UAE ကသူတွေလဲတတ်နိုင်သလောက် ပါဝင်နေကြတယ်ဆိုတာလေးသိစေချင်ရုံပါ"လို့ပွဲကိုသွား​ရောက်ပြီး ဗီဒီယိုဖိုင်နဲ့ ဓါတ်ပုံ​တွေပို့​ပေးသူတဦးက​ပြောပါတယ် ။ အဆိုတော်သုံးယောက်က တစ်ဦးခြင်း သီဆိုမှု တွေအပါအဝင် စုံတွဲ သီဆိုမှုတွေနဲ့လည်း ‌ဖျော်ဖြေပေးခဲ့တာပါ။ အဆိုတော်ကောင်းကောင်းက ပြီးခဲ့တဲ့ ရက်က ရခိုင်ပြည်နယ် မြောက်ဦးမြို့မှာစစ်ကောင်စီရဲ့ ဗုံးကြဲတိုက်ခိုက်မှုကြောင့် အပြစ်မဲ့ ပြည်သူတွေသေဆုံးမှုအပေါ် ထိခိုက်ခံစားရကြောင်း ပြောခဲ့ပါတယ်။ အဲဒီ့နောက်မှာတော့ ကောင်းကောင်းက ကမ္ဘာမကြေဘူး သီချင်းကို ဂစ်တာတီးပြီး သီဆိုပေးခဲ့ပါတယ်။ ဒါ့အပြင် နွေဦးတော်လှန်ရေးရဲ့ အထင်ကရ သီ ချင်း‌တွေ ဖြစ်တဲ့ ကြယ် ၊ ရောင်နီ စတဲ့ သီချင်းတွေကိုလည်း UAE နိုင်ငံက မြန်မာတွေဖွဲ့စည်းထားတဲ့ Music B အဖွဲ့က သီဆိုဖျော်ဖြေခဲ့ပါတယ်။ တော်လှန်သီချင်းတွေဆိုတဲ့အချိန်တွေမှာပရိသတ် တွေက မတ်တပ်ရပ်ပြီး လက်သုံးချောင်းထောင်ကာ သီချင်းတွေကို သီဆိုရင်းအားပေးခဲ့ကြပါတယ်။ "ရင်ထဲစို့နင့်နေတာပဲ။ ရယ်မောခြင်းတွေရော ငိုကြွေးခြင်းတွေနဲ့ရော။ အမိမြေကိုလွမ်းတယ်။ ကြယ်သီချင်းသီဆိုချိန် ကျဆုံးသွားတဲ့ ရဲဘော်တွေကို သတိရတယ်။ မြေပြင်မှာတိုက်နေတဲ့ရဲ ဘော်တွေကိုသနားတယ်။ အများကြီးထပ်လုပ်ပေးချင်တယ်။ " လို့ ဒီပွဲကိုဖြစ်မြောက်ရေးအတွက် တတ်နိုင်တဲ့ဘက်ကနေ ပါဝင်ကူညီပေးခဲ့တဲ့ ကိုချမ်းမြေ့ပိုင် ကပြောပါတယ်။ ရုပ်သံ-​CJ 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴   / subscribe   𝗬𝗼𝘂𝗧𝘂𝗯𝗲 -    / @peoplespring   𝗙𝗮𝗰𝗲𝗯𝗼𝗼𝗸 -   / ludunwayoo   𝗪𝗲𝗯𝘀𝗶𝘁𝗲 - https://www.ludunwayoo.com/ 𝗧𝗲𝗹𝗲𝗴𝗿𝗮𝗺 - https://t.me/peoplespring #ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA