Nashr lazzati скачать в хорошем качестве

Nashr lazzati

“Akademnashr” nashriyotiga 2004-yilda asos solingan. 2009-yilda nashriyot faoliyatini yuritish uchun litsenziya olingan. Bugunga kelib “Akademnashr” mamlakatning koʻzga koʻringan nashriyotlari safidan oʻrin ola bildi. Asosan, maʼrifiy, ilmiy, ilmiy-ommabop, adabiy badiiy, ijtimoiy publitsistik, huquqiy yoʻnalishdagi asarlarni nashr etadi. Nashriyot yiliga 200 dan ortiq nomda kitoblar chiqaradi. Bugunga kelib yillik nashr etiladigan kitoblarning umumiy adadi taxminan 1 500 000 dona atrofida. Nashriyot sifat va mazmun uygʻunligini shior qilgan holda faoliyat yurgizgani muntazam ravishda oʻz natijasini berib kelmoqda. 2014-yilda “Akademnashr” nashriyoti “Yilning eng yaxshi nashriyoti” deb topilgan. 2015-yil 21 – 23-sentyabr kunlari AQSH, Buyuk Britaniya, Avstriya, Germaniya, Turkiya, Italiya, Koreya, Eron, Hindiston, Saudiya Arabistoni, Rossiya, Qozogʻiston va boshqa 50 ga yaqin mamlakatlarning 140 dan ortiq nashriyot uylari ishtirokida, Ashxobod shahrida oʻtkazilgan “Kitob – hamkorlik va taraqqiyot yoʻli” X xalqaro koʻrgazma-yarmarka va ilmiy konferensiya doirasida tashkil etilgan tanlovda “Eng yaxshi badiiy nashr” yoʻnalishi boʻyicha gʻoliblikni qoʻlga kiritgan. 2013-yilda nashriyotimizda chop etilgan professor Shuhrat Sirojiddinovning “Alisher Navoiy: manbalarning qiyosiy-tipologik, tekstologik tahlili” kitobi Oʻzbekiston Respublikasining birinchi darajali Davlat mukofoti bilan taqdirlangan. Oʻtgan yillar davomida “Yilning eng yaxshi kitobi” Respublika tanlovlarida muntazam I – II – III darajali diplomlarni qoʻlga kiritgan. Muallif Eshqobil Shukurning “Koʻz yumib koʻrganlarim” kitobi “Eʼtirof-2013” mukofotining “Yilning eng yaxshi badiiy asari” nominatsiyasida gʻolib deb topilgan. Shuningdek, boshqa oʻnlab kitoblarimiz “Vatan uchun yashaylik”, “Eng ulugʻ, eng aziz” kabi mamlakatda oʻtkaziladigan turli tanlovlarda gʻolib va sovrindorlar qatoridan oʻrin egallagan. Nashriyotda rus, nemis, ingliz, fransuz kabi xorijiy tillarida kitoblar chop etiladi. Nashriyot oʻz poligrafik bazasiga ham ega.