USUKA Asong atum pen tongsekot pen Volongkom-Aji Irrigation IB along Pherangke amai kepadopon скачать в хорошем качестве

USUKA Asong atum pen tongsekot pen Volongkom-Aji Irrigation IB along Pherangke amai kepadopon

Pini Thangthang niphai 23 Volongkom Aji irrigation IB along tongsekot pen Pherangke amei kephapon. Nelitum Kedamtang niphai 16 arni Guwahati press club along Municipal Board sirkep 9 apharman 66 crore atangka aphuthak KAAC aphan Lamhoi kipipon aphuthak pherangke atum karjupon ahut KAAC Cem Dr. Tuliram Ronghang ahin pen USUKA atum along thangnat ta angthek ave pusi kaningje pon. Thangnat angthek ave pusi kangingje Lasi nelitum laso aphuthak Lamthe kapaklang kangtung ke lapu henlo Kaac Cem Dr. Tuliram Ronghang aphan kedamtang niphai 3 arni Memorandum alo kepajirpon along klardak pen kejong pon padolo. Halaso Memorandum alo along aphrang batai 11 tangka kipi alam anta klardak pen kejongpon padolo. Lasi alangli lapuson angthek ave pu kaningje ke kopilo ili kachinidam nangji ke? Lason kaningje pon ateng pulote Karbi Anglong along kedoan Hamphang Asong atum pen kepajir pon pon aMemorandum alo heihui anta Langle U'eh det ma anpar ta Dusbin along si varpon et titi ma pusi nelitum mathapon nangkok po. Lasi, nelitum kepajirpon aMemorandum alo along kejongpon aphuthak angthek ave pusi kaningje ajok nelitum ahin pen Dr. Tuliram Ronghang aphan karjupon kangtung mate kipudam kangtung ke alanglitum jongsi nelitum along angthek ave vek pu puthip hai pulote KAAC team Karbi Anglong Kachari atum mate Department Authority atum pen pusitame Pherangke athengno nelitum along Lamthama tame kachedan ji aphan vangnon. Alanglitum jongsi hai pulote Pherangke athengno vangnon, nelitum hadak angthek klardak pen paklang po ingke Ning kachethe mate man kedo karbi anglong arat atum nangpachinidun lonang nangpathek dun long lonang. Lapen la sirkep 9 municipal board along Nodel Officer akehai prapjin pen langchari dunpo pusi ning thelo, ako jongsi langchari dunde lipute laheihui atangka panglim lap lo pusi nelitum ahin pen ke jongpon nangkok po. Anparta tarip tarlip si kechokche pangthek longlo pulote prapjin pen kenep kangnang ponji aphan sodak pen pachinipon lo. Lapuan ningjedet jongdundet aphit ta pangkreve pulote nelitum kachesong angdeng dengponthu nangkok po. Lapen ke Klardak pen adai kache en nangji ke labangso chongthui chobai BJP asorkar pusi ningje pon. Lapen kedamtang arni Social media ahongjai along pen nelitum High School Primary school along Special Tet aphuthak lamthe kapaklang pon ahut alangli lamthe kapaklangpon thuke USUKA atum si Council kachari ma pusi kaningje. Council ke netum si kachari pu pupe ke, alanglitum si kacharilo. Pini 900 chokamar anghoi keplengple kedokok ta papleng pon thekthe lang lapen ihum hum Primary school along inut nut vet chokamar kedochot along 208 anghoi kapapleng pon nangji dokok voiphit sitame non anta kapangve krang si thekpon long laheihui kapachobai alam lo puhe? Langdam me BTAD lapen Dimahasao along ke Special tet pi un det Bonsita me ilitum ladak Karbi Anglong along ke pipon un eh det kopi apot lo pusi USUKA Central committee aKongchunbang Jintu Hazarika ahin pen Phrangke athengno kethan alamthe along karju padopon.