23 February 2026 скачать в хорошем качестве

23 February 2026

ఆదర్శలో అన్నార్తుల ఆకలి తీర్చే పనిలో మేము సైతం అంటూ అలుపెరగక సాగుతున్న మహిళలు లక్ష్మీ గారు, రాజేంద్ర కుమారి గార్ల గురించి ఎంతో చెప్పాలి... అయితే క్లుప్తంగా.... ఆంధ్రుల అన్నపూర్ణ డొక్కా సీతమ్మ గారి గురించి వినడమే తప్ప మేము చూడలేదు. ఆకలితో ఉన్నవారి ఆకలి తీర్చే అలాంటి మహోన్నతమైన వ్యక్తి పుట్టిన గడ్డ మండపేట కావడం ఆంధ్రలో ఉన్న మనందరికీ ఎంతో గర్వకారణం. అయితే డొక్కా సీతమ్మ గారి ప్రభావంతో చాలామంది ఆకలి తీర్చే పనిలో అలుపెరగక సాగే ఆడవారు ఎందరో ఉంటారు.అలాంటి నిస్వార్ధమైన మనసుతో, ఏమీ ఆశించకుండా ప్రతీరోజు అభాగ్యుల ఆకలి తీర్చే పనిని గత 18సంవత్సరాలనుండి వంట పరిచర్య చేస్తున్న లక్ష్మి గారు, రాజేంద్ర కుమారి గార్లకు ధన్యవాదములు తెలియజేస్తున్నాము. అవునండి ఆకలితో అలమటించే అన్నార్తుల ఆకలి తీర్చాలనే ఆశయంతో 2008 సంవత్సరం లో స్థాపించిన ఆదర్శ హెల్ఫింగ్ హేండ్స్ స్వచ్చంద సేవసంస్థ లో వంటలు చేయడం ప్రారంభించిన వీరు చేస్తున్న వంట పరిచర్య సాధారణమైనది కాదు.ఎందుకంటే ఇంట్లో ఓ నలుగురికి వంట చేయడం అంటే ఎంతో కష్టమైన ఈరోజుల్లో ప్రతీరోజు పూటకు 25 మందికి వంటచేయడం అంటే మామూలు విషయం కాదు. అందులోనికి విసుక్కోకుండా,ఇష్టపడుతూ,నవ్వుతూ చేయడం అంటే అది డొక్కా సీతమ్మ గారి లాంటి వారి ఆశీస్సులే అని చెప్పాలి,భగవంతుని ప్రణాళిక అనే చెప్పాలి, దేవుడు ఇచ్చిన అవకాశం అనే చెప్పాలి. ఇంటి పనిని చేసుకొని,ఇంట్లో భర్త ను, పిల్లలను చక్కబెట్టి, వచ్చి ప్రతీరోజు రెండు పూటలా వీరికి వండిపెట్టడం ఓ గొప్ప విషయం అయితే, ఎప్పుడైన అనారోగ్యం ఏదైన వస్తే హస్ఫిటల్ లో ఇంజక్షన్ చేయింకొని వచ్చి వండటం ఎంత త్యాగం. కొన్ని సార్లు ఎవరైన శుభకార్యాలు చెపితే వెళ్ళడానికి కూడా కుదరదు. అప్పుదు వెళ్ళాలంటే అన్నీ అయిపోయిన తర్వాత ఆకులు తీసే సమయానికి, బల్లలు తన్నే సమయానికి వెళ్లి కనిపించి రావడం చేయాలి. కొన్ని కొన్ని సార్లు కుదరక చనిపోయిన వారిని సైతం చూడటానికి వెళ్లలేక భాదపడిన సందర్భాలు ఎన్నో ఉంటాయి. అయినవారు,బంధువులు బాదపడే సందర్బాలు లేకపోలేదు.ఎందుకంటే అన్నార్తులను ఆకలితో ఉంచలేక..... ఇంట్లో పిల్లలకు అడిగింది వండిపెట్టే సమయం లేక పిల్లల్ని కూడా బాదపెట్టవలసి వస్తుంది. గర్భవతులుగా ఉన్నప్నుడు మా కోడలు, మా కుమారై కు సైతం వారికి కావలసింది వండటానికి కూడా కుదరదు... అయిన వీరు అన్నార్తుల ఆకలి తీర్చే వంట పనిలో ముందుకు వెళ్తున్నారంటే పిల్లలు కూడా అర్థం చేసుకొంటున్నారు కాబట్టే.... తరుముతున్న ఆర్థిక ఇబ్బందులను బట్టి ఎదైన చిన్న హోటల్ పెట్టుకొని కష్టపడితే డబ్బులు వస్తాయి కదా, కొన్ని ఇబ్బందులు తీరతాయి కదా.. అని అప్పుడప్పుడు నాలాంటి మనసులో అనిపించిన,వీరు అలాంటి ఆలోచనలకు లొంగిపోకుండా, అన్నార్తుల ఊపిరి ఉన్నంత వరకు నిరుపేదల ఆకలి తీర్చే పనిలోనే సాగుతామనే వీరు తీసుకొనే నిర్ణయంలో ఎంత త్యాగం ఉందో అర్థమవుతుంది. ఏమీ ఆశించకుండా, దేవుడే వీరిని ఆకలి తీర్చే పనిలో నడిపిస్తున్నాడు అనే విశ్వాసంతో చేస్తున్న ఈ పరిచర్యలో పడుతున్న కష్టం,శ్రమ, త్యాగం దేవుడు చూస్తాడు... తగిన ఫలితం... తగిన సమయంలో ఇస్తాడు అనేది వాస్తవం. #సదా_నిరుపేదల_సేవలో #ఆదర్శ_నిత్యన్నదాన_శిభిరం_మండపేట. *సెల్:9949546957_9989717182