هنيك هون - بو كلثوم و السيد درويش من لتلته - إنتاج مونما скачать в хорошем качестве

هنيك هون - بو كلثوم و السيد درويش من لتلته - إنتاج مونما

بو كلثوم : تمردي الأول من بعد الشهور التسعه بجناح التوليد هون أكلت أول كف لأصحا قالوا الفرج مولود لسا بالرحم .. لا تبكي إذا خانك لأن لكل مولود حبل سري .. الحبل سري الحبل مرّي عالجرار لأ لا تبكي عالثوار لأن العايش هوه اللي وحدو حمار بيقولوا سقى الأرض بدمّو ليكوا السيل اسقالله وقت كنت أسقي الشتله اللي مربيها مي خليك حمار لا تطلب مني كفي القصه لأن لح علّم عوجهك و على كفي القصه لسّا في لخبطه عند الفرق بين جنسي و جنسيتي لهيك أحياناً بستفحل بطلعو بدال هويتي مافي زعتر بالزعتري قشوا الزرع بالمزرعه لسّا بيقدسوا جوز الأم ( هش لحدا يسمعك ) عفواّ تمّي بيتحرك .. سد أدانك مو من واجبي منظري مو من شأنك إذا عيوني فوق حواجبي القياس بهم الكلاب بتلم آخر السفره وزّع لحمي عالجيران بقماش لأن بيحبّوا الستره الوجع عاش فينا الميت أخرس بس بيسمع ساكت ليخلص دفنه لأن ما بده يرجع .. بو كلثوم و السيد درويش : كل مره بنام بموت مره جرب فوت مره عالبيوت دون ما تقول دستور لح يرموك برّه كل مره بنام بموت مره جرب فوت مره عاليرموك دون ما تبوس قبور و اتدوق مرها السيّد درويش : هنيك مدينة حزينة، رب وحيد ماسك طينة محتار يخلق طوفان أو سفينة!؟ هنيك عدم، موت وخمسين فردة بوط عم يتصارعوا عقدم. هنيك لحى اللي مات ارتاح والحي استحى صمتك مانه مزعج بس شيل الرحى، صرير. الدنيا بالنسبة للطفل صارت عحافة سرير، مو لأنه صغير، بيته انقصف قبل الضحى. رقصة. القناص وزوايا الشارع، الخاص مع العام المغمور مع الشائع، المنثور مع الموزون، الشرّا المخدوع والبائع.. رقصة بين الشهدا والبضائع. نقل وقائع، أقدامنا سدود طريقنا مطامع للبعث يا طلائع: جاية الكهربا بس ضاع القاطع. قاطع القطع لأنه كلشي نسبي فاسأل "قديش" عن البياض الناصع. فتلة بين حارتين الخط الواحد تالتين في نظام وشارع ومعارضة ملسة بانتين اذا الأمة أمنا الشام عندها خالتين وخمسين ملك مجنون بعرش واحد ساردين. هنيك الحدود ما عاد تساعهم، فباعوا طفل محروق بعلم وخروق بس طلع بندوق وباعهم.. هنيك أسقطوك، بس لو رضيوا يسجدولك الأرض بترفض اكواعهم. بو كلثوم و السيد درويش : كل مره بنام بموت مره جرب فوت مره عالبيوت دون ما تقول دستور لح يرموك برّه كل مره بنام بموت مره جرب فوت مره عاليرموك دون ما تبوس قبور و اتدوق مرها.