జాబితాపూర్ లో ఘనంగా శివపార్వతుల కల్యాణ వేడుకలు скачать в хорошем качестве

జాబితాపూర్ లో ఘనంగా శివపార్వతుల కల్యాణ వేడుకలు

#JPR NEWS జాబితాపూర్ లో వైభవంగా శివపార్వతుల కళ్యాణ మహోత్సవం శివ నామస్మరణతో మార్మోగిన జాబితాపూర్... వేడుకగా ఆది దంపతులకు కళ్యాణం భక్తిశ్రద్ధలతో శివపార్వతుల కళ్యాణం పాల్గొన్న సర్పంచ్,ఉప సర్పంచ్ దంపతులు. జె పి ఆర్ న్యూస్... జగిత్యాల రూరల్ మండల పరిధిలోని జాబితాపూర్ గ్రామంలో శివపార్వతుల కల్యాణ మహోత్సవం సోమవారం అత్యంత వైభవంగా, కన్నుల పండువగా జరిగింది. మహాశివరాత్రి ఉత్సవాల్లో భాగంగా గ్రామ దేవాలయంలో నిర్వహించిన ఈ వేడుకకు భక్తులు భారీ సంఖ్యలో తరలివచ్చారు. ఈ కల్యాణ మహోత్సవంలో గ్రామ సర్పంచ్ పోనిశెట్టి మహేష్ - జమున, ఉప సర్పంచ్ మారిశెట్టి లక్ష్మణ్,వనజ దంపతులు పాల్గొని ప్రత్యేక పూజలు నిర్వహించారు. పట్టువస్త్రాలు సమర్పించి, స్వామివారి కల్యాణాన్ని శాస్త్రోక్తంగా జరిపించారు. ఈ సందర్భంగా సర్పంచ్ మాట్లాడుతూ.. గ్రామ ప్రజలందరూ సుఖసంతోషాలతో ఉండాలని, ఆ పరమశివుని ఆశీస్సులు గ్రామంపై ఎల్లవేళలా ఉండాలని కోరుకున్నట్లు తెలిపారు. కల్యాణ అనంతరం భక్తులకు ఎటువంటి ఇబ్బందులు కలగకుండా భారీ ఎత్తున అన్న ప్రసాద కార్యక్రమం నిర్వహించారు. గ్రామంలోని భక్తులు, మహిళలు పెద్ద ఎత్తున తరలివచ్చి తీర్థప్రసాదాలు స్వీకరించారు. మంగళవాయిద్యాలు, వేదమంత్రాల సాక్షిగా జరిగిన ఈ వేడుకతో జాబితాపూర్ గ్రామంలో ఆధ్యాత్మిక వాతావరణం నెలకొంది. ​ఈ కార్యక్రమంలో గ్రామ ఆలయ కమిటీ సభ్యులు, వార్డు సభ్యులు, భక్తులు అధిక సంఖ్యలో పాల్గొన్నారు.