संदेशाचा विषय : येशू ख्रिस्ताचे दुसरे आगमन скачать в хорошем качестве

संदेशाचा विषय : येशू ख्रिस्ताचे दुसरे आगमन

कारण, जेव्हा मोठ्याने मुख्य देवदूताच्या आवाजात आणि देवाच्या कर्ण्याच्या आवाजात आज्ञा दिली जाईल, तेव्हा, प्रभु स्वत: स्वर्गातून खाली उतरेल आणि जे ख्रिस्तात मेले होते ते प्रथम उठतील. मग आपल्यापैकी जे जिवंत असतील ते प्रभूला अंतराळात भेटण्यासाठी त्यांच्याबरोबर ढगात वर घेतले जातील. आणि अशा प्रकारे आम्ही प्रभूबरोबर सदासर्वकाळ राहू. १ थेस्सलनीकाकरांस ४:१६-१७ प्रिय मित्रांनो, आशा ही आपल्या जीवनाचा सर्वात मोठा पैलू आहे. आशा म्हणजे काहीतरी घडावे अशी इच्छा असणे आणि ते घडेल असा विचार करणे. आशेशिवाय माणूस निराश आणि दुःखी होतो. आपण सर्वजण आपल्या जीवनातील प्रत्येक गोष्टीत आशेने जगतो. परंतु आपल्याला सर्वात मोठी आशा आहे ती म्हणजे आपला प्रभु आणि तारणारा येशू ख्रिस्ताचे दुसरे आगमन. ज्यांनी त्याच्यावर आपल्या तारणासाठी म्हणजेच आपल्या पापांच्या शमे साठी विश्वास ठेवला, त्या प्रत्येकाला घेऊन जाण्यासाठी तो स्वर्गातून ढगावर येईल. या आशेमुळे, जी निश्चित आहे, मी येशूला पाहण्याची आणि माझे अनंतकाळचे जीवन स्वर्गात, जे देवाचे निवासस्थान जेथे परिपूर्ण शांती, आनंद आहे अश्या अनंतकाळच्या जीवनाच्या क्षेत्रात घालवण्याची वाट पाहत आहे. तो धन्य दिवस, जेव्हा माझे सर्व दुःख, माझ्या सर्व चिंता आणि माझे सर्व संघर्ष संपतील. ज्या व्यक्तीने कधीही येशू ख्रिस्तावर त्याच्या तारणासाठी विश्वास ठेवला नाही त्याला कधीही अशी आशा राहणार नाही, तो फक्त या जीवनात मरण्यासाठी जगेल. परंतु तारण झालेल्या व्यक्तीला येशूच्या दुसऱ्या आगमनाची आणि अनंतकाळच्या घरात अनंतकाळचे जीवन घालवण्याची आशा आहे. तुमच्याकडे ही आशीर्वादित आशा आहे का? तुम्ही कधी तुमच्या तारणासाठी येशू ख्रिस्तावर विश्वास ठेवला आहे का? मी आशा करतो की हा संदेश तुमच्यासाठी आशीर्वादित राहील. आमेन.