ਮੋਰ ਬੋਲਦੇ ਸੀ- ਗਾਇਕਾ ਪੰਜਾਬ ਕੌਰ- ਗੀਤਕਾਰ ਅਤੇ ਸੰਗੀਤਕਾਰ ਨਵਤੇਜ ਗੁਰਨਾ скачать в хорошем качестве

ਮੋਰ ਬੋਲਦੇ ਸੀ- ਗਾਇਕਾ ਪੰਜਾਬ ਕੌਰ- ਗੀਤਕਾਰ ਅਤੇ ਸੰਗੀਤਕਾਰ ਨਵਤੇਜ ਗੁਰਨਾ

ਗੀਤ~ ਮੋਰ ਬੋਲਦੇ ਸੀ ਗਾਇਕਾ ~ਪੰਜਾਬ ਕੌਰ ਗੀਤਕਾਰ~ ਨਵਤੇਜ ਗੁਰਨਾ ਸੰਗੀਤਕਾਰ ਅਤੇ ਤਰਜ ~ਨਵਤੇਜ ਗੁਰਨਾ ਇਹ ਗੀਤ ਅੱਜ ਮਿਤੀ 18 ਨਵੰਬਰ 2025 ਨੂੰ ਤਿਆਰ ਕੀਤਾ ਗਿਆ ਹੈ। ਇਹ ਬਿਲਕੁਲ ਨਵਾਂ ਗੀਤ ਹੈ। ਇਸ ਗੀਤ ਵਿੱਚ ਪ੍ਰਵਾਸ ਦੇ ਦਰਦ ਨੂੰ ਬਿਆਨ ਕੀਤਾ ਗਿਆ ਹੈ ਕਿ ਇੱਕ ਨਵਾਂ ਜੋੜਾ ਵਿਆਹ ਤੋਂ ਬਾਅਦ ਵਿਦੇਸ਼ ਵਿੱਚ ਜਾ ਕੇ ਵਸ ਜਾਂਦਾ ਹੈ। ਸੱਜ ਵਿਆਹੀ ਮੁਟਿਆਰ ਪੰਜਾਬ ਨੂੰ ਚੇਤੇ ਕਰਦੀ ਹੈ। ਜੇਕਰ ਗੀਤ ਚੰਗਾ ਲੱਗਿਆ ਤਾਂ ਲਾਇਕ ਅਤੇ ਕਮੈਂਟ ਕਰਨਾ ਸ਼ੇਅਰ ਵੀ ਜਰੂਰ ਕਰਿਓ ਜੀ ਅਤੇ ਚੈਨਲ ਨੂੰ ਸਬਸਕ੍ਰਾਈਬ ਜਰੂਰ ਕਰ ਲੈਣਾ ਬਹੁਤ ਬਹੁਤ ਧੰਨਵਾਦ। ਮੋਰ ਬੋਲਦੇ ਸੀ......... ਉੱਥੇ ਮੋਰ ਬੋਲਦੇ ਸੀ ਨਾਲੇ ਬੋਲਦੀਆਂ ਸੀ ਕੋਇਲਾਂ, ਆਹ ਤੂੰ ਕਿੱਥੇ ਲੈ ਆਇਆ ਜਿੱਥੇ ਨਾ ਰਿੰਡਾਂ ਨਾ ਗੋਲਾਂ। ਉੱਥੇ ਮੋਰ ਬੋਲਦੇ ਸੀ ਨਾਲੇ ਬੋਲਦੀਆਂ ਸੀ ਕੋਇਲਾਂ। ਕੋਈ ਢੱਕ ਵੀ ਦੀਹਦਾਂ ਨਾ ਏਥੇ ਨਾ ਕੋਈ ਦਿਸੇ ਫਲਾਹੀ। ਦਾਲ ਹਾਰੇ ਨਹੀਂ ਰਿੱਝਦੀ ਨਾ ਕਦੇ ਰੋਟ ਤੇ ਮੰਨੀ ਲਾਹੀ। ਤਰਸਾਂ ਪਥਵਾੜੇ ਨੂੰ ਗੁਹਾਰਾ ਲਾਵਾਂ ਕਿੱਥੇ ਢੋਲਾ, ਉਥੇ ਮੋਰ ਬੋਲਦੇ ਸੀ ਨਾਲੇ ਬੋਲਦੀਆਂ ਸੀ ਕੋਇਲਾਂ। ਸਭ ਨਾਰਾਂ ਰੁੱਝੀਆਂ ਨੇ ਨਾ ਕੋਈ ਕਿਸੇ ਦੇ ਏਥੇ ਆਉਂਦੀ। ਉੱਥੇ ਤਾਈ ਬਚਨੋ ਸੀ ਅੱਧੇ ਪਿੰਡ ਦੀ ਡਾਕ ਸੁਣਾਉਂਦੀ। ਮੇਰੇ ਪੱਥਰੀ ਹੋ ਜਾਣੀ ਕੀਹਦੇ ਕੋਲ ਕਾਲਜਾ ਫੋਲਾਂ, ਉੱਥੇ ਮੋਰ ਬੋਲਦੇ ਸੀ ਨਾਲੇ ਬੋਲਦੀਆਂ ਸੀ ਕੋਇਲਾਂ। ਹੱਡ ਭੰਨ ਕੇ ਮਰਦੇ ਆਂ ਤਾਂ ਵੀ ਹੋਣ ਨਾ ਖਰਚੇ ਪੂਰੇ। ਉੱਥੇ ਸਾਡੇ ਫਿਰਦਾ ਸੀ ਵੇ ਲੁੰਗ ਲਾਣਾ ਪਿੱਛੇ ਮੂਹਰੇ। ਨਾ ਭਰੀ ਕੋਈ ਟਾਂਗਰ ਦੀ ਬਹਿ ਕੇ ਭੁੰਨੀਏ ਕਿੱਥੇ ਹੋਲਾਂ, ਉਥੇ ਮੋਰ ਬੋਲਦੇ ਸੀ ਨਾਲੇ ਬੋਲਦੀਆਂ ਸੀ ਕੋਇਲਾਂ। ਮੈਂ ਵਾਪਸ ਮੁੜ ਜਾਣਾ ਉੱਡਣ ਖਟੋਲੇ ਉੱਤੇ ਚੜ ਕੇ। ਡੁਸਕੀਂ ਨਵਤੇਜ ਸਿਆਂ ਤੂੰ ਏਥੇ ਤਹਿਖਾਨੇ ਵਿੱਚ ਵੜ ਕੇ। ਚੱਲ ਚੱਲੀਏ ਵਤਨਾਂ ਨੂੰ ਤੈਨੂੰ ਬਾਰ ਬਾਰ ਮੈਂ ਬੋਲਾਂ, ਉਥੇ ਮੋਰ ਬੋਲਦੇ ਸੀ ਨਾਲੇ ਬੋਲਦੀਆਂ ਸੀ ਕੋਇਲਾਂ। ਆਹ ਤੂੰ ਕਿੱਥੇ ਲੈ ਆਇਆ ਜਿੱਥੇ ਨਾ ਰਿੰਡਾ ਨਾ ਗੋਲਾਂ, ਉੱਥੇ ਮੋਰ ਬੋਲਦੇ ਸੀ ਨਾਲੇ ਬੋਲਦੀਆਂ ਸੀ ਕੋਇਲਾਂ। ਗੀਤਕਾਰ - ਨਵਤੇਜ ਗੁਰਨਾ