Azərbaycan–Türkiyə xəttində söz müharibəsi: iki ölkə arasında nə baş verir? скачать в хорошем качестве

Azərbaycan–Türkiyə xəttində söz müharibəsi: iki ölkə arasında nə baş verir?

Martın 5-də İrandan Naxçıvana atıldığı iddia edilən dron zərbələrindən sonra Prezident İlham Əliyevin İrana qarşı sərt bəyanatları yalnız ölkə daxilində deyil, xaricdə də birmənalı qarşılanmayıb. Türkiyədə həm hökumətyönlü media, həm də bəzi rəsmilər bu çıxışları tənqid edib. “Turkuvaz” media qrupuna daxil olan “Atv” və “A Haber” kanalları Əliyevin İsraillə siyasətinə qarşı tənqidi materiallar yayımlayıb. Dem Partiyasının deputatı Ömər Faruk Gərgərlioğlu isə onu İsraillə birlikdə İrana qarşı müharibəyə cəhd göstərməkdə ittiham edib. Bundan sonra Azərbaycanın hökumətyönlü mediasında da Türkiyənin adıçəkilən media qurumları və Gərgərlioğlu ilə bağlı tənqidi yazılar dərc olunub. Yeni Azərbaycan Partiyası İdarə Heyətinin üzvü Musa Quliyev “APA”ya açıqlamasında “Turkuvaz” qrupunu Azərbaycana qarşı kampaniya aparmaqda ittiham edib, Gərgərlioğlunun fikirlərini isə absurd adlandıraraq onun deputat toxunulmazlığının ləğvi və həbsini tələb edib. “Bu, əlbəttə gülünc vəziyyətdir. Sən Azərbaycan iqtidarı olaraq kimsən ki, Türkiyədə 86 milyon insanın millət vəkili olan birinin mandatının ləğvinə cəhd edirsən?! Məni toxunulmazlığımın ləğvi ilə təhdid edib kimlərəsə söz göndərmələri, gözümü qorxutmaları vecimə deyil, açığı. Mənim dərdim həm Türkiyədə, həm Azərbaycanda avtoritar rejimlərin təzyiqləri dayandırmaları, xalqa zülm etməmələridir”, - Dem Partiyasının deputatı Ömər Faruk Gərgərlioğlu deyib.