ஸ்ரீரங்கம் யானைகளுக்கு  பிரமாண்ட குளியல் குளம்|Srirangam temple | bathing elephants |Temple elephant скачать в хорошем качестве

ஸ்ரீரங்கம் யானைகளுக்கு  பிரமாண்ட குளியல் குளம்|Srirangam temple | bathing elephants |Temple elephant

#srirangamtemple #tamilnews #templeelephant ஸ்ரீரங்கம் கோவில் யானைகளுக்கு பிரமாண்ட குளியல் குளம் (ஸ்பெஷல் குளியல் தொட்டி) மகிழ்ச்சியுடன் தண்ணீரில் விளையாடும் ஆண்டாள் - லட்சுமி யானைகள்... 108 வைணவத் தலங்களில் முதன்மையானதும் பூலோக வைகுண்டம் என பக்தர்களால் போற்றி வழங்கப்படுவதுமான ஸ்ரீரங்கம் அருள்மிகு ரெங்கநாதர் ஆலயத்தில் வருடம் முழுவதும் நம் பெருமாளுக்கும் - தாயாருக்கும் பல்வேறு விழாக்கள் நடைபெறுகிறது. இவ்விழாக்களில் கோயில் யானைகள் ஆண்டாள் மற்றும் லட்சுமி பங்கேற்று இறைபணியில் ஈடுபட்டு சேவை செய்து வருகிறது. இதுமட்டுமல்லாமல் தினசரி அதிகாலை நம்பெருமாள் விஸ்வரூப பூஜை முதல் நாள்தோறும் பல்வேறு கோவில் விழாக்களில் பங்கேற்று தொடர்ந்து கோயிலுக்கு கைங்கரியம் செய்து வரும் கோவில் யானைகள் மகிழ்ச்சியுடன் பணியாற்றும் வகையில், மன அழுத்தம் உள்ளிட்ட குறைபாடுகள் இல்லாமல் யானைகள் மேலும் சிறப்பாக பணியாற்றும் வகையிலும், சுமார் 6.5 அடி ஆழத்தில் மிகப்பெரிய குளம் போன்ற அமைப்பில் தொட்டி கட்டி முடிக்கப்பட்டு உள்ளது. ஸ்ரீரங்கம் கோவில் உதவி ஆணையர் மாரிமுத்து உத்தரவின் படி யானைகள் ஆண்டாள் லட்சுமிக்கு 56 அடி நீளம், 56 அடி அகலமும், சுமார் 6.5 அடி ஆழமும், சுமார் 3 லட்சம் லிட்டர் கொள்ளளவு கொண்ட குளம் போன்ற அமைப்பில் யானைகள் குளிப்பதற்காக பிரத்யேகமாக ஸ்ரீரங்கம் பஞ்சகரை பகுதியில் கோவிலுக்குச் சொந்தமான உடையவர் தோப்பில் கட்டி முடிக்கப்பட்டு உள்ளது. இதனை இன்று ஸ்ரீரங்கம் கோயில் இணை ஆணையர் மாரிமுத்து ஆய்வு மேற்கொண்டார். முன்னதாக ஸ்ரீரங்கம் கோயில் அர்ச்சகர் சுந்தர் பட்டரால் சிறப்பு பூஜை செய்யப்பட்ட பின்பு கோயில் இணை ஆணையர் செ. மாரிமுத்து முன்னிலையில் ஆண்டாள் மற்றும் லட்சுமி ஆகிய இரண்டு யானைகளும் முதன் முறையாக குளிக்க வைத்து பார்க்கப்பட்டது. அப்போது கோயில் யானைகள் உள்ளே உற்சாக குளியல் போட்டு., யானைகள் இரண்டும் ஒருவருக்கொருவர் தண்ணீரை தும்பிக்கையால் பீச்சி அடித்தும், ஆனந்தமாக நீரில் விளையாடியும் தங்களது மகிழ்ச்சியை வெளிப்படுத்தியது. ஸ்ரீரங்கம் கோயில் யானைகள் குளிப்பதற்கு பல லட்சம் மதிப்பீட்டில் அமைக்கப்பட்டுள்ள இந்த புதுமையான குளியல் குளம் விரைவில் பயன்பாட்டிற்கு வர உள்ளது. ஏற்கனவே திருவானைக்காவல் மற்றும் மலைக்கோட்டை கோயில் யானைகளுக்கு இதுபோன்று நீச்சல் குளம் அமைத்து தரப்பட்டுள்ளது குறிப்பிடத்தக்கது.