Funeral Service of Very Rev. P.O. Ninan (88) , Panavelil House, Mallappally. скачать в хорошем качестве

Funeral Service of Very Rev. P.O. Ninan (88) , Panavelil House, Mallappally.

വെരി. റവ. പി. ഓ. നൈനാൻ മല്ലപ്പള്ളി ഹോളി ഇമ്മാനുവേൽ സി എസ് ഐ ഇടവകാംഗമായ അച്ചൻ 1934 മാർച്ച്‌ 26നു ശ്രീ. പി. വി. ഉമ്മന്റേയും ശ്രീമതി. മറിയാമ്മ ഉമ്മന്റേയും മകനായി ജനിച്ചു. ദൈവഭക്തിയും മാതൃകാജീവിതവും നയിച്ച മാതാപിതാക്കൾ ആയിരുന്നതിനാലും, ഇടവകയിൽ നിന്നു ലഭിച്ച പ്രോത്സാഹനവും ചെറുപ്പം മുതൽക്കേ അച്ചനിൽ മിഷനറിയാകണമെന്ന താല്പര്യം സൃഷ്ടിച്ചു. ബിരുദപഠനത്തിന് ശേഷം യൂണിയൻ ബിബ്ലിക്കൽ സെമിനാരിയിൽ നിന്നും, ബാംഗ്ലൂർ യുണൈറ്റഡ് തിയോളജിക്കൽ സെമിനാരിയിൽ നിന്നും,അമേരിക്കയിലുള്ള സതേൺ മെതഡിസ്റ്റ് യൂണിവേഴ്സിറ്റിയിൽ നിന്നും വേദശാസ്ത്ര പരിശീലനങ്ങൾ പൂർത്തിയാക്കി. 1963 ജൂൺ 2നു ഡീക്കൻ ഓർഡിനേഷനും,1964 മാർച്ച്‌ 20നു പ്രെസ്ബിറ്റർ ഓർഡിനേഷനും ലഭിച്ചു. 1963 ഒക്ടോബർ 10നു നല്ലാനിക്കുന്നു ഇടവകാംഗം നാൻസിയെ വിവാഹം ചെയ്തു. ഞക്കനാൽ സഭയിൽ അച്ചന്റെ ശുശ്രൂഷ ജീവിതം ആരംഭിച്ചു.തുടർന്ന് അയ്യപ്പൻകോവിൽ, പീരുമേട്, ആന്ധ്രാമിഷൻ(മുഗലപ്പള്ളി മിഷൻ), പർക്കാൽ മിഷൻ, പന്നിമറ്റം, മാവേലിക്കര, കത്തീഡ്രൽ, തോലശ്ശേരി എന്നിവിടങ്ങളിൽ പ്രവർത്തിച്ചു. സി എസ് ഐ മദ്ധ്യകേരള മഹായിടവക യുവജനപ്രസ്ഥാനത്തിന്റെ നേതൃത്വത്തിൽ മദ്ധ്യപ്രദേശിൽ നടത്തിയിരുന്ന 'പാറ്റ്പ്പാറ' മിഷൻ നാഗ്പൂർ മഹായിടവകയെ ഏൽപ്പിച്ചു പുതിയ ഒരു മിഷൻ ഫീൽഡ് ആരംഭിക്കുവാൻ ആഗ്രഹിച്ചു. അപ്പോഴാണ് ആന്ധ്രയിലെ വാറംഗൽ ജില്ലയിൽ 100 ഗ്രാമങ്ങളിൽ സുവിശേഷം എത്തിയിട്ടില്ല എന്ന് പർക്കാൽ മിക്ഷനറി റവ.ഐ. സി. കുര്യൻ അച്ചൻ മഹായിടവകയെ അറിയിച്ചത്.അന്നത്തെ ബിഷപ്പ് റൈറ്റ്. റവ.ഡോ. എം. എം. ജോൺ തിരുമേനി ഈ കാര്യം ഞാനനിക്ഷേപത്തിൽ കൂടി പരസ്യപ്പെടുത്തുകയും ഇത് ശ്രദ്ധയിൽപ്പെട്ട പി. ഓ. നൈനാൻ അച്ചൻ കുടുംബമായി മുൻപോട്ട് വരികയും 1967ൽ മല്ലപ്പള്ളി ഇടവകയിൽ പ്രതിഷ്ഠശുശ്രൂഷയിൽ ബിഷപ്പ് ശുശ്രൂഷമദ്ധ്യേ "ഞാൻ ആരെ അയക്കേണ്ടു;ആർ നമുക്ക് വേണ്ടി പോകും " എന്ന ചോദ്യത്തിന് "അടിയൻ ഇതാ, അടിയനെ അയക്കേണമേ" എന്ന് അച്ചൻ പ്രഖ്യാപിക്കുകയും ചെയ്തു. 1967 സെപ്റ്റംബറിൽ പറക്കാലിൽ എത്തുകയും ഒക്ടോബർ 20ആം തീയതി മുതൽ മുഗലപ്പള്ളി എന്ന പ്രദേശം കേന്ദ്രീകരിച്ചു അച്ചൻ ശുശ്രൂഷ ആരംഭിക്കുകയും ചെയ്തു.എം. എം. ജോൺ തിരുമേനി 'ആന്ധ്രാമിഷൻ' എന്ന് മിഷന് പേരിടുകയും ചെയ്തു. യാതൊരു വിധ സൗകര്യങ്ങളും ഇല്ലാഞ്ഞ ആ ദേശത്തു ധാരാളം പ്രതിസന്ധികളുടെ ഇടയിൽ വെല്ലുവിളികൾ സ്വീകരിച്ചുകൊണ്ടു ദൈവാശ്രയത്തോടെ അച്ചനും കുടുംബവും ശുശ്രൂഷ മുൻപോട്ട് കൊണ്ടു പോകുന്നതിന്റെ ഇടയിൽ അതികഠിനമായ ചൂടിൽ അച്ചന്റെ ഒന്നര വയസുകാരി മകൾ നിർമല കർത്തൃസന്നിധിയിൽ ചേർക്കപ്പെട്ടു. മാനസിക സംഘർഷങ്ങളുടെ നടുവിലും ദൈവം ആണ് ഇതിനായി വിളിച്ചു ഇറക്കിയത് എന്ന ബോധ്യത്തോടെ അച്ചനും കുടുംബവും 16 വർഷം ആന്ധ്രാമിഷനിലും 2 വർഷം പർക്കാൽ മിഷനിലും പ്രവർത്തിച്ചു. നാൻസി കൊച്ചമ്മ അവിടെ ആരംഭിച്ച ഹോമിയോ ആശുപത്രി അനേകം വ്യക്തികൾക്ക് ആശ്വാസത്തിനും രോഗവിടുതലിനും ഇടയായി. അച്ചന്റെ പ്രവർത്തനഫലമായി ആ ദേശത്തു സ്കൂൾ,ആരാധന കൂട്ടായ്മകൾ,പറക്കാൽ മുതൽ മുഗലപ്പള്ളി വരെയുള്ള 18km ദൂരം ടാർ ചെയ്ത റോഡ്,ട്രാൻസ്‌പോർട് ബസ് സർവീസ് തുടങ്ങി അനേകം ആത്മീയ ഭൗതിക തലത്തിൽ വളർത്തി എടുക്കുവാൻ സാധിച്ചു. ഇന്നും അതിന്റെ നന്മ ആ ദേശത്തുള്ള പുതുതലമുറയും അനുഭവിക്കുന്നു. തുടർന്ന് അച്ചന്റെ മക്കൾക്കും മരുമക്കൾക്കും പറക്കാലിലും മുഗലപ്പള്ളിയിലും മിഷൻ പ്രവർത്തനങ്ങളും, ഹോമിയോ ആശുപത്രി പ്രവർത്തനങ്ങളും ചെയ്യുവാൻ സാധിച്ചു. മുഗലപ്പള്ളിയിൽ വെച്ച് പ്രതികൂലമായ കാലാവസ്ഥയിൽ നഷ്ടപ്പെട്ട അച്ചന്റെ മകൾ നിർമലയുടെ ഓർമ്മക്കായി 'നിർമല ഇംഗ്ലീഷ് മീഡിയം' സ്കൂൾ ഇന്ന് അവിടെ പ്രവർത്തിക്കുന്നു. അച്ചന്റെയും കുടുംബത്തിന്റെയും ത്യാഗമേറിയ പ്രവർത്തനങ്ങൾ ഞങ്ങൾക്ക് എന്നും മാതൃകയാണ്. സി എസ് ഐ മദ്ധ്യകേരള മഹായിടവക യുവജനപ്രസ്ഥാനത്തിന്റെ മിഷൻ വയലായ തെലുങ്കാന മിഷന്റെ പ്രഥമ മിഷനറി പി. ഓ. നൈനാൻ അച്ചന് മഹായിടവക യുവജനപ്രസ്ഥാനത്തിന്റെ ആദരാഞ്ജലികൾ.