ASTARAYA BAHALI MAŞINDA GƏLİB OĞURLUQ ETDİLƏR. скачать в хорошем качестве

ASTARAYA BAHALI MAŞINDA GƏLİB OĞURLUQ ETDİLƏR.

Qadın mağaza sahibinin diqqətini yayındırır, onunla gələn digər şəxs isə kassadakı pulları oğurlayır. Hadisə Astara rayonunda baş verib. Polis əməkdaşlarının keçirdikləri əməliyyat tədbirləri ilə hər iki şəxs saxlanılıb. Astara rayonun Ərçivan qəsəbəsinin sakini olan bir nəfər şəxs polisə müraciət edərək axşam saatlarında işlədiyi mağazaya gələn iki nəfər şəxsdən birinin onun diqqətini yayındırdığını, digərinin isə bir ədəd sərinkeş və kassadan 750 manat pulu oğurlayaraq mağazanı tərk etdiklərini bildirib. Astara Rayon Polis Şöbəsinin əməkdaşları həmin şəxslərin saxlanılması istiqamətində müvafiq əməliyyat-axtarış tədbirləri keçiriblər. Baş Dövlət Yol Polisi İdarəsinin əməkdaşları ilə birgə keçirilən tədbirlərlə oğurluğu törətməkdə şübhəli bilinən Bərdə rayon sakini Məhəmməd Məmmədov idarə etdiyi avtomobillə Ağcabədi rayonu ərazisində saxlanılıb. Saxlanılarkən cinayətin digər iştirakçısı olmaqda şübhəli bilinən Əlvanə Aydınovanın da sərnişin qismində maşında olduğu müəyyən edilib. Məhəmməd Məmmədovun idarə etdiyi avtomobilə baxış keçirilərkən mağazadan oğurladıqları sərinkeş və ilkin araşdırma zamanı ətraf rayonlardan oğurladıqları müəyyən edilən 4 ədəd samovar aşkar edilərək maddi sübut kimi götürülüb. Hazırda həmin şəxslərin digər şəhər və rayonlarda analoji cinayətlərdə iştirakını müəyyən etmək üçün araşdırmalar aparılır.