Tamacahut : Agellid d yilemẓi. скачать в хорошем качестве

Tamacahut : Agellid d yilemẓi.

Zik-nni, yella yiwen n ugellid, yesɛa yiwet n teqcict, tzad di thuski. Acu n ccbaḥa-nni neɣ sser-nni! Tecbeḥ, tegrurez, tɛubej, tecbeḥ d ayen kan. Ɣef waya, baba-s, yeggul ur tt-yuɣ yiwen n uterras siwa ma izad ula d netta. D tidet, inexḍaben ggten, maca, baba-s iger-d limin ad tezweǧ d win i tt-yuklalen. Armi d yiwet n tikkelt, agellid iceyyeɛ ameddaḥ-is, ad yuwet abendayer i wat taddart: Win yebɣan yelli-s n ugellid, ilaq-as ad yesserwet annar ur yettames). Dɣa ilmeẓyen ad d-ttasen d izumal s annar i d-heyyan. Agellid s ubernus-is axitus, yeqqim ad yessikkid, ilmeẓyen ḥezzmen-d akk : arkasen, icekkaren, iɛmamen...Maca s kra n win iɛeddan yumes-d. Yiwen seg yilmeẓyen-nni, yeqqim d aneggaru. Ha-t-ay, yekcem-d s annar, icemmer i yiɣallen-is, yerna i yiḍarren-is, isuɣ: "Ay agellid ameqqran, annar akka i yettwerwat, ma d yelli-k win yebɣan yaɣ-itt!" Imi yesla ugellid i umeslay-agi, yendeh: " Sya d asawen, kečč d agellid, nekk d lewzir-ik ay aḍewwal. Gan tameɣra n sa n wussan d sa n wuḍan, ddren di talwit d tumert. (Seg tmucuha n leqbayel).