Իջևան քաղաք (Ijevan) скачать в хорошем качестве

Իջևան քաղաք (Ijevan)

Իջևանի պատմաերկրագիտական թանգարանը հիմնադրվել է 1955թ-ին Իջևանի գործկոմի կողից, այցելուների համար գործում է 1997թ-ից, գտնվում է քաղաք մտնելու ճանապարհի աջակողմյան հատվածում։ Տարիներ առաջ այն համարվել է հարուստ ժառանգություն ունեցող թանգարաններից մեկը։ Այժմ թանգարանում գործում են չորս բաժին և հինգ ցուցասրահ։ Իջևանի պատմաերկրագիտական թանգարանում կան իրեր, որոնք պատկանում են մ․թ․ա․ 3-2-րդ հազարամյակներին, ուրարտական շրջանին։ Պատմաերկրագիտական թանգարանի այցելուները այնտեղ կարող են գտնել Սարգիս Կասյանի աշխատանքային մի շարք իրեր, ինչպես օրինակ՝ հեռախոս՝ Մորզեի այբուբենով։ Բակում տեղ գտած թնդանոթներից մեկը պատրաստվել է 1906թ-ին Պետերբուրգում, մասնակցել է առաջին համաշխարհային պատերազմին և հեղափոխական կռիվներին, իսկ երկրորդը` պատրաստված է 1927թ-ին Եկատերինբուրգում, մասնակցել է երկրորդ աշխարհամարտին։ Իջևանի դենդրոպարկ գտնվում է Տավուշի մարզի Իջևան քաղաքում։ Դենդրոպարկում կա 650 ծառ ու թուփ։ Բույսեր կան բոլոր մայրցամաքներից՝ բացառությամբ Ավստրալիայի։ Գտնվում է Աղստև գետի աջ ափին՝ գետի հին հունի տեղում, որը ծածկված է հողի շերտով։ Իջևանի դենդրոպարկը հիմնադրվել է 1962 թվականին՝ Լյուդվիգ Սայադյանի կողմից։ Դենդրոպարկում է գտնվում աշխարհում միակ արջատխլենու արահետը, կան հսկա սեյբաներ, վայրի լիմոնենիներ, վայրի խնձորենի։ Իջևան, քաղաք Հայաստանի Տավուշի մարզում։ Գտնվում է Աղստև գետի ափին՝ Երևանից 142 կմ հեռավորության վրա։ Մարզի վարչական կենտրոնն է։ Ներկայիս քաղաքի տեղում հնում գտնվել են իջևանատներ, որոնք սպասարկել են Ասորիքից ու Դվինից դեպի Պարտավ և Հյուսիսային Կովկաս գնացող առևտրական տարանցիկ ճանապարհը։ Պարսկական տիրապետության շրջանում այդ վայրը կոչվել է Իստիբուլաղ (պարսկերեն բառացի՝ «տաք աղբյուր»), ուր 1780-ական թվականներին հիմնադրվել է Քարվանսարա գյուղը։ Հայաստանում խորհրդային իշխանություն հաստատումից հետո վերանվանվել է Իջևան։ Քաղաքի կարգավիճակ ունի 1961 թվականից։