Maxay Somaliland ka tiri in ciidanka Israa'iil ay saldhig siinayaan? | Wareysi Gaar Ah скачать в хорошем качестве

Maxay Somaliland ka tiri in ciidanka Israa'iil ay saldhig siinayaan? | Wareysi Gaar Ah

26-kii Diseembar 2025, Israa’iil ayaa si rasmi ah u aqoonsatay Jamhuuriyadda Somaliland, tallaabo lagu tilmaamay mid taariikhi ah oo taageeraysa Heshiisyada Abraham. Wareysigan oo uu Nimaan Osman ka qaaday, Wasiirka Arrimaha Dibadda Somaliland Cabdiraxmaan Daahir Aadan ayaa faahfaahin ka bixiyay sida aqoonsigu u yimid kadib ku dhawaad hal sano oo wada-hadal ah oo dhex marayay labada dhinac, arrintaas oo uu sidoo kale xaqiijiyay Wasiirka Arrimaha Dibadda Israel, Gideon Sa’ar. Wasiirku wuxuu sheegay in Somaliland ay doonayso inay ku biirto Heshiisyada Abraham si ay uga faa’iidaysato iskaashi diblomaasiyadeed, dhaqaale iyo amni. Wuxuu ku adkeystay in tallaabadan ay qayb ka tahay dadaalka Somaliland ee ay ku raadineyso aqoonsi caalami ah iyo xiriir ballaaran oo ay la yeelato dalal kala duwan. Wareysigu wuxuu sidoo kale taabanayaa eedo ka yimid Dowladda Federaalka Soomaaliya. Madaxweyne Xasan Sheekh Maxamuud oo la hadlayay Al Jazeera ayaa ku eedeeyay Somaliland inay gashay “heshiis saddex qodob ah” oo ay la gashay Israa’iil, kuwaas oo ay ka mid yihiin: • In Falastiiniyiin laga soo raro Qasa oo la dejiyo Somaliland • In saldhig ciidan oo Israa’iil ah laga dhiso Somaliland • In si rasmi ah loogu biiro Heshiisyada Abraham Wasiir Cabdiraxmaan Daahir Aadan ayaa si cad u beeniyay qodobka koowaad ee eedaymahaas, isagoo ku tilmaamay kuwo siyaasadaysan oo aan sal lahayn. Wuxuu sheegay inaysan jirin wax qorshe dib-u-dejin loogu sameenayo Falastiiniyiinta, ama wax tallaabo ah oo xasillooni darro u keeni karta gobolka. Sida uu sheegay, xiriirka Israa’iil iyo Somaliland wuxuu ku egyahay iskaashi diblomaasiyadeed iyo mid dhaqaale. Sidoo kale, wareysiga waxaanu kusoo hadal qaadnay walaaca ka soo yeeray Aqalka Senate-ka Mareykanka. Guddoomiyaha Guddiga Arrimaha Dibadda ee Senate-ka Jim Risch ayaa bishii Febraayo 2026 muujiyay walaac ku saabsan suurtagalnimada in dekedda Berbera loo adeegsado marin sahay oo la xiriira ciidanka RSF ee Suudaan. Wasiirku wuu beeniyay arrintaas, isagoo sheegay in Somaliland aysan wax lug ah ku lahayn sahay ciidan oo sharci darro ah. Wareysigani wuxuu iftiiminayaa kala aragti duwanaanta sii xoogeysaneysa ee u dhaxeysa Muqdisho iyo Hargeysa, iyo saameynta ay arrintani ku yeelan karto siyaasadda Geeska Afrika. -------- Somaliland Israel Somaliland Abraham Accords Hassan Sheikh Mohamud Horn of Africa politics Berbera port RSF Sudan Somalia vs Somaliland Middle East diplomacy Gaza relocation claims Jim Risch Senate Gideon Saar Foreign policy Africa