"လိုတုန်းသုံးပြီး မလိုတော့ စွန့်ပစ်တာလား" скачать в хорошем качестве

"လိုတုန်းသုံးပြီး မလိုတော့ စွန့်ပစ်တာလား"

"လိုတုန်းသုံးပြီး မလိုတော့ စွန့်ပစ်တာလား" ဆောင်းဦးမာန်၊ နိရဉ္စရာ၊ မတ်လ ၁၂/၂၀၂၆ "ကိုယ်လိုတုန်းကတော့ ဆွဲသုံးပြီး မလိုအပ်တော့တဲ့အခါကျမှ စွန့်ပစ်တဲ့သဘောမျိုး လူကြီးတွေအနေနဲ့ မလုပ်သင့်ဘူးလို့ ထင်ပါတယ်" အမ်းမြို့နယ်က စစ်သုံ့ပန်းစခန်းကို စစ်ကော်မရှင်လေတပ်က ဗုံးကြဲမှုအတွင်း ပျောက်ဆုံးနေတဲ့ စစ်သုံ့ပန်းတစ်ယောက်ရဲ့ဇနီး ဒေါ်သီတာစိုးက ဝမ်းနည်းပက်လက် ပြောပြလာတာပါ။ ပြီးခဲ့တဲ့ မတ်လ ၈ ရက်နေ့က စစ်ကော်မရှင်ရဲ့ လေယာဉ်တွေဟာ အမ်းမြို့နယ်၊ ဒလက်ချောင်းဒေသကို ၃ နာရီခွဲကြာအောင် ဗုံးကြဲခဲ့လို့ စစ်သုံ့ပန်း စစ်ကော်မရှင်တပ်ဖွဲ့ဝင်တွေအပါအဝင် အရပ်သားအချုပ်သား စုစုပေါင်း ၁၁၆ ဦးအထိ အသက်ဆုံးရှုံးခဲ့ရပါတယ်။ ဒေါ်သီတာစိုးက "အခုထိတော့ အသေအပျောက်စာရင်းကို အတိအကျမသိရသေးပေမဲ့ သေဆုံးသွားတဲ့လူတွေအတွက် အရမ်း စိတ်မကောင်းဖြစ်မိပါတယ်။ ကိုယ်တိုင်လည်း မိသားစုနဲ့အတူ ပါဝင်နေတာဆိုတော့ တော်တော်လေးကို တုန်လှုပ်ခြောက်ခြားမိတာပါ" လို့ ဆိုပါတယ်။ လက်ရှိမှာတော့ ဒေါ်သီတာစိုးတို့ မိသားစုဟာ အာရက္ခတပ်တော်ရဲ့ ကူညီမှုနဲ့ လုံခြုံတဲ့နေရာကို ရောက်နေပါပြီ။ ဒါပေမဲ့လည်း ကြုံတွေ့ခဲ့ရတဲ့ ဗုံးကြဲမှုဒဏ်ကြောင့် စိတ်ထဲမှာတော့ ကြောက်စိတ်တွေ မပြေသေးဘူးလို့ သိရပါတယ်။ "လူကတော့ လုံခြုံတဲ့နေရာရောက်နေပေမဲ့ စိတ်ကတော့ ကြောက်နေတုန်းပါပဲ။ စိတ်တွေလည်း ခြောက်ခြားနေမိတယ်" လို့ သူက ရင်ဖွင့်ပါတယ်။ မိမိတို့တပ်က လူတွေကို အခုလိုမျိုး ပြန်တိုက်ခိုက်လိမ့်မယ်လို့ လုံးဝမထင်ထားခဲ့ဘူးလို့လည်း ဒေါ်သီတာစိုးက ပြောပါတယ်။ ဒီလုပ်ရပ်ဟာ ပြောစရာ စကားလုံးမရှိလောက်အောင် ရက်စက်ပြီး စိတ်ပိုင်းဆိုင်ရာကိုပါ ထိခိုက်စေတယ်လို့ ဆိုပါတယ်။ အနောက်ပိုင်းတိုင်းစစ်ဌာနချုပ် တိုင်းဦးစီးချုပ်ဟောင်း ဗိုလ်မှူးချုပ် ကျော်ကျော်သန်းကလည်း စစ်သုံ့ပန်းစခန်းမှန်း သိသိကြီးနဲ့ တိုက်ခိုက်နေတာဟာ သူတို့ကို စွန့်လွှတ်လိုက်တဲ့ သဘောဖြစ်နေပြီး ဒါမျိုးတွေဟာ နောင်ကို ရှောင်ရှားသင့်တယ်လို့ သတိပေးပြောကြားထားပါတယ်။ Video- ONN ------------ Join this channel to get access to perks:    / @narinjaratv   ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ အကူအညီတွေကို အထူးလိုအပ်နေပါတယ်။ ဒါကြောင့် အခု https://donorbox.org/narinjara-news လင့်မှာ လူကြီးမင်းတို့ရဲ့ ကူညီထောက်ပံ့မှုအတွက် ကျေးဇူးအထူးတင်ပါတယ်။ _______________________________________________________________ နိရဉ္စရာသတင်းဌာနမှ ထုတ်လွှင့်နေသော စာသတင်း၊ ရုပ်သံ၊ ရေဒီယို သတင်းများကို အောက်ဖော်ပြပါ ပလက်ဖောင်းတွေမှာလည်း ဝင်ရောက် ဖတ်ရှု၊ နားဆင်နိုင်ပါတယ်။ 🌐 Website https://burmese.narinjara.com/ 🌐 Twitter - https://twitter.com/narinjaran?lang=en 🌐 Facebook - မြန်မာစာသတင်း   / narinjara.info   🌐 Facebook - အင်္ဂလိပ်စာသတင်း   / narinjaraenglish   🌐 Telegram - https://t.me/narinjaranews 🌐 TikTok Link -   / narinjara