KAHIT MAULAN AT MAY SAKIT, TRABAHO PA RIN SI LOLO скачать в хорошем качестве

KAHIT MAULAN AT MAY SAKIT, TRABAHO PA RIN SI LOLO

Sa gitna ng malakas na ulan, may isang lalaking balot ng plastik ang buong katawan— hindi para magtago, kundi para makipaglaban sa gutom at lamig. Mula sa malayo, una namin siyang natanaw habang nangunguha ng mga dahon ng gabi. Walang payong. Walang kapote. Plastik lang ang kanyang sandata laban sa lupit ng panahon. Kalaunan, may isang bagay kaming natuklasan— siya pala si Tatay Julian, 89 anyos na, ama ni Wenny na aming natulungan at pinabahayan tatlong taon na ang nakalipas. Limang kilometro pa pala ang kanyang lalakarin pauwi sa ganitong kalagayan. Kaya isinakay namin siya, at doon namin mas lalong nakita ang tahimik niyang pakikipaglaban sa buhay. Sa kanyang edad, ang tanging kabuhayan niya ay paggawa ng walis at pagbebenta ng dahon ng gabi. Walang reklamo. Walang sumbat. Tanging pagsusumikap at pagtitiis para mabuhay araw-araw. Ang video na ito ay hindi para manisi, kundi para magpaalala— na habang tayo ay may nasisilungan, may mga taong patuloy na lumalaban sa ulan at gutom. Kung may kakayahan kang tumulong, kahit sa simpleng paraan, malaking bagay na iyon para sa isang tulad ni Tatay Julian. At kung wala man, sapat na ang panalangin, panonood, at pagbabahagi ng kwentong ito. Maraming salamat sa iyong oras, sa pusong handang makinig, at sa malasakit na ipinapakita mo. Hangga’t may mga taong nanonood at nagmamalasakit, may pag-asa ang mga kwentong tulad nito. #daddyfrankie #wildlifeph #pugongbyahero #kalingaprab