Governu lansa fatuk da - huluk kontruksaun merkadu Ermera скачать в хорошем качестве

Governu lansa fatuk da - huluk kontruksaun merkadu Ermera

Governu Lansa Fatuk Da-Huluk Kontruksaun Merkadu Ermera “Merkadu Foun Oportunidade Foun, Hodi Dezenvolve Ekonomia Lokál” Ermera, 06 Fevereiru 2026 – Governu liuhosi Ministériu Komersiu no Indústria lansa fatuk da-huluk merkadu ermera, Vise-Primeiru Interinu atúal Ministru Transportes no Komunikasaun, Eng. Miguel Marques Gonçalves Manete, hamutuk ho vise Primeiru-Ministru Mariano Assanami Sabino no membru governu balu lansa fatuk da-huluk ba konstrusaun Merkadu Gleno, Munisípiu Ermera. Vise-Primeiru Ministru Interinu, MAKE, MTA, Eng. Miguel Marques Gonçalves Manetelu iha nia diskursu hatete Serimónia ida ne’e marka pasu importante ida esforsu Governu atu implementa Programa IX Governu Konstitusional ne’ebé lidera husi Primeiru-Ministru Kay Rala Xanana Gusmão, liu-liu iha área dezenvolvimentu ekonomiku lokál, fortalesimentu merkadu doméstiku, no hasa’e kondisaun moris komunidade rurál sira. “Merkadu Gleno sei sai hanesan infraestrutura estratéjika ida ne’ebé suporta ligasaun entre setór agrikultura, komérsiu no ekonómia lokál. Governu iha konviksaun katak, merkadu ne’e sei kontribui ba hasa’e valór produtu lokál, promove produsaun nasionál, no kria oportunidade rendimentu no empregu ba povu iha munisípiu ermera” dehan Ministru Manetelu. Governante ne’e afira Projetu ida ne’e reflete kompromisu Governu atu kontinua investe iha infraestrutura bázika no ekonómika iha munisípiu sira, hodi garante dezenvolvimentu inkluzivu, ekuitativu no sustentável, la konsentra de’it iha sentru urbana, maibé to’o ba komunidade rurál sira. Iha oportunidade ida ne’e, Ministru Manetelu apresia no agradese ba Ministro Komersiu no Indústria, ba dedikasaun ne’ebé kontinua demonstra iha realizasaun prioridade Programa IX Governu Konstitusional, liuliu iha área komérsiu, industria no fortalese merkadu lokál. Aleide nemos hato’o apresisaun ba Ministru Planeamentu no Investimentu Estratéjiku, ba papél importante ne’ebé desempeña iha planeamentu, koordenasaun no implementasaun investimentu estratéjikus, hodi garante katak projetu hanesan Merkadu Gleno iha planeamentu ne’ebé sólidu, koerente no sustentável. Governu espera katak prosesu konstrusaun bele hala’o ho responsabilidade no tuir padraun qualidade ne’ebe iha, hodi garante katak infraestrutura ida ne’e bele servi ba interesu públiku no ba gerasaun agora no futuru. Governu hein katak Merkadu Gleno sei sai kontribuisaun konkretu ba dezenvolvimentu ekonomiku lokal no hasa’e moris di’ak liu ba populasaun Ermera. Orsamentu ba konstruksaun mercado Gleno, Ermera ho montante, dolar amerikanu 8.861.517,89, kompaña ne’ebé mak konstrui merkadu gleno, ermera maka Henan Fifth Construction, Group Co. LTD(China) Partisipa iha lansamentu ne’e, membru governu, PAM Ermera, Diretór Munisípal Sira, Prezidente C-MCLN Ermera, Prezidente CCI-TL, Prezidente CCI-Ermera, Lidér Komunitáriu, Populasaun ermera, reprezentante komando PNTL Munisípiu Ermera, F-FDTL destaku munisípiu ermera, no entidade estadu sira.