សម្តេចធិបតី ហ៊ុន ម៉ាណែត ណែនាំឲ្យបន្តផ្តល់អាហារូបករណ៍ដល់សិស្សពូកែ និងសិស្សជួបការលំបាក ជាពិសេសសិស្ស... скачать в хорошем качестве

សម្តេចធិបតី ហ៊ុន ម៉ាណែត ណែនាំឲ្យបន្តផ្តល់អាហារូបករណ៍ដល់សិស្សពូកែ និងសិស្សជួបការលំបាក ជាពិសេសសិស្ស...

សម្តេចធិបតី ហ៊ុន ម៉ាណែត ណែនាំឲ្យបន្តផ្តល់អាហារូបករណ៍ដល់សិស្សពូកែ និងសិស្សជួបការលំបាក ជាពិសេសសិស្សនារី និងសិស្សក្រីក្រ (Video inside) (ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី១០ ខែកុម្ភៈ ឆ្នាំ២០២៦ បានណែនាំឲ្យបន្តផ្តល់អាហារូបករណ៍ដល់សិស្សពូកែ និងសិស្សជួបការលំបាក ជាពិសេសសិស្សនារី និងសិស្សមកពីគ្រួសារក្រីក្រ ដើម្បីធានាឱកាសសិក្សាស្មើភាព និងលើកកម្ពស់គុណភាពធនធានមនុស្សជាតិ។ ការណែនាំនេះបានធ្វើឡើងក្នុងឱកាសដែលសម្តេចអញ្ជើញជួបសំណេះសំណាល ជាមួយសិស្សនិទ្ទេស A សម្រាប់ការប្រឡង​សញ្ញា​បត្រមធ្យមសិក្សាទុតិយភូមិ និងការប្រឡងសញ្ញាបត្របច្ចេកទេស និងវិជ្ជាជីវៈកម្រិត៣។ ជំនួបធ្វើឡើងមជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វារ។ សម្តេចមហាបវរធិបតី ហ៊ុន ម៉ាណែត បានថ្លែងយ៉ាងដូច្នេះថា «ត្រូវបន្តផ្តល់អាហារូបករណ៍ដល់សិស្សពូកែ សិស្សជួបការលំបាក ជាពិសេស សិស្សនារី និង សិស្សក្នុងគ្រួសារក្រីក្រ និងធានាប្រសិទ្ធភាព នៃការអនុវត្តកម្មវិធីសិក្សាផ្នែក គណិតវិទ្យា វិទ្យាសាស្រ្ត បច្ចេកវិទ្យា វិស្វកម្ម និងភាសាបរទេស ដើម្បីឱ្យស្របទៅនឹងចរន្ត នៃការរីកចម្រើនផ្នែកវិទ្យាសាស្ត្រ និង បច្ចេកវិទ្យា ក្នុងបរិការណ៍នៃបដិវត្តឧស្សាហកម្មទី៤.០»។ បើតាមប្រសាសន៍របស់សម្តេចមហាបវរធិបតី ហ៊ុន ម៉ាណែត, រាជរដ្ឋាភិបាលត្រូវបន្តអនុវត្តគោលនយោបាយអភិវឌ្ឍវិស័យអប់រំឱ្យកាន់តែសកម្ម និងមានប្រសិទ្ធភាព ដើម្បីធានាថាប្រព័ន្ធអប់រំនៅកម្ពុជាមានគុណភាព ប្រកបដោយបរិយាប័ន្ន និងអាចលើកកម្ពស់ឱកាសសិក្សាពេញមួយជីវិតសម្រាប់ប្រជាពលរដ្ឋគ្រប់រូប។ ជាមួយគ្នានេះ សម្តេចបានណែនាំឲ្យខិតខំជំរុញ និងពង្រីកកម្មវិធីអប់រំកុមារតូច ព្រមទាំងបង្កើតលក្ខខណ្ឌអំណោយផលឱ្យកុមារទាំងអស់អាចសិក្សាយ៉ាងតិច ៩ ឆ្នាំ នៅសាលារៀនដែលមានបរិស្ថានស្អាត មានអនាម័យល្អ និងមានសុវត្ថិភាព៕