G'azo sektori - Ramazon 16-kun скачать в хорошем качестве

G'azo sektori - Ramazon 16-kun

Muborak Ramazon oyi — rahmat, baraka va saxovat oyidir. Ammo G‘azo sektorida bu muborak oy ko‘plab oilalar uchun og‘ir sharoitlar ichida qarshi olinmoqda. Urush va qiyinchiliklar sabab minglab insonlar oddiy hayot ne’matlaridan mahrum holda yashamoqda. Shunday bo‘lsa-da, Ramazon kechalarida bir dasturxon atrofida jam bo‘lish, ro‘zani birgalikda ochish qalblarga taskin va umid olib keladi. “Ramazonning barokati” loyihasi doirasida Saxovatli Qo‘llar xayriya tashkiloti tomonidan G‘azo sektorida jamoaviy iftorlik tashkil etildi. Ro‘zadorlar uchun joy tayyorlandi, dasturxonlar yozildi, suv va taomlar tortiq qilindi. So‘ng yuzlab ro‘zadorlar bir joyga jam bo‘lib, birgalikda iftor qildilar. Payg‘ambarimiz ﷺ marhamat qilganlar: “Kim ro‘zadorni iftor qildirsa, unga ham ro‘zadorning ajricha savob bo‘ladi.” Saxovatli Qo‘llar xayriya tashkiloti sifatida siz aziz ehson egalarining ko‘magi bilan yordamlarni ehtiyoj egalariga yetkazishda davom etmoqdamiz. 🤲 Alloh taolo qilgan ehsonlaringizni qabul qilsin va bu muborak oy barakasini barchamizga nasib etsin.