【Viu1 娛樂專題】電影熱《闔家辣》：Edan初登大銀幕成為導演戰友 скачать в хорошем качестве

【Viu1 娛樂專題】電影熱《闔家辣》：Edan初登大銀幕成為導演戰友

MIRROR成員呂爵安（Edan）首次登上大銀幕參演賀歲片《闔家辣》，同一眾前輩吳君如、鄭中基、梁詠琪（Gigi）合作，Edan話入劇組時好驚又緊張，加上今次戲份唔少，擔心自己做得唔好，好彩有導演鄭晉軒（Coba）陪往，而且有一班超級friendly前輩同佢傾計，好快就打破隔膜似一家人。拍呢部戲最正係鄭中基同Gigi一齊教Edan唱歌，原來鄭中基仲即場示範以邊個位置用氣唱歌，令Edan感覺好溫馨。講到拍完呢部戲，再孖住君如一齊拍廣告，Edan話相信係部戲帶挈拍廣告嘅機會，亦覺得自己好幸運，大家好錫佢。Edan多人錫，其實佢好愛錫胞妹「小如豬」，如果妹妹想入行又批唔批准呢？Edan就話一定支持，但當然要完成學業先去追夢，因為妹妹讀書都幾叻！ 賀歲片《闔家辣》係導演鄭晉軒（Coba）第一次執導電影，Edan喺戲中飾演嘅角色真實版其係導演本人，Coba因一次跟吳君如相遇只係講下辣椒醬同屋企事，無諗過君如原來諗緊可以拍電影。作為新晉導演嘅Coba，覺得今次有班資歷深厚演員坐陣，當然更加安心，同Edan都係電影界新丁，更視Edan係戰友。雖然戲中飾演嘅角色係Coba，但Edan唔係跟足100%真實嘅造型，本身Coba身上有紋身，但戲入面Edan只得一個紋身，仲係Edan本人要求架！edan即刻話：「我想有紋身感覺！」其實Edan有無紋身，喺班「爵屎」心目中最型架啦！ #闔家辣 #呂爵安 #Edan #MIRROR #鄭晉軒 #Coba #Viu1 #Viu1娛樂專題 #Viu #黃Viu煲劇平台 __________________________________________________________________________________ ►訂閱 Viu1 娛樂新聞 YouTube Channel: https://bit.ly/3lYFNLW ►追蹤 Viu1 娛樂新聞 Instagram:   / viu1hk   ►讚好 Viu1 娛樂新聞 Facebook page:   / viu1hk   ►觀看更多精彩內容：https://www.viu.com/