SEVIMPARO JANULALA / సేవింపరో జనులాల చేరి మొక్కరో/AAV SERIES 08 EP 799 / GARIMELLA GBKP / HINDOLAM скачать в хорошем качестве

SEVIMPARO JANULALA / సేవింపరో జనులాల చేరి మొక్కరో/AAV SERIES 08 EP 799 / GARIMELLA GBKP / HINDOLAM

Srivari Abhisheka Vaibhavam Ep – 26💐 🌺🍃 -----------🍃🌺 తాళ్లపాక అన్నమాచార్య శృంగార సంకీర్తన ( సేవింపరో జనులాల చేరి మొక్కరో .. ) రేకు రాగము:-- సాళంగనాట రేకు: 1068-4 సంపుటము: 20-406 స్వరకర్త :-- శ్రీ గరిమెళ్ళ బాలకృష్ణప్రసాద్ గారు రాగం :-- హిందోళం గానం :-- శ్రీ గరిమెళ్ళ బాలకృష్ణప్రసాద్ గారు 🌺🍃 -----------🍃🌺 🌹🌹 సంకీర్తన 🌹🌹 ॥పల్లవి॥ సేవింపరో జనులాల చేరి మొక్కరో భావింప నున్నాఁడిందరి భాగ్యమువలెను ॥చ1॥ జలకమాడి వున్నాఁడు సర్వేశ్వరుఁడు నిగ్గుఁ గలిగిన మంచినల్ల కలువవలె యెలమిఁ గప్పురకాపు ఇదె చాతుకున్నవాఁడు వెలలేనియట్టి పెద్దవెండికొండవలెను ॥చ2॥ అందముగఁ దట్టుపుణుఁ గలదుక వున్నవాఁడు కలదున ఇంద్రనీలాలగనివలెను ముందరివలెనే తా సొమ్ములు నించుకున్నవాఁడు పొందిన సంపదలకు పుట్టినిల్లువలెను ॥చ3॥ మించి యలమేలుమంగ మెడఁ గట్టుకున్నవాఁడు పొంచి బంగారుతామెరపువ్వువలెను యెంచఁగ శ్రీవేంకటేశుఁ డిదె కొలువై వున్నవాఁడు నించిన దాసులపాలి నిధానము వలెను 🌺🍃 -----------🍃🌺 అన్నమయ్య అక్షరవేదం సంపుటి – 799 ( సేవింపరో జనులాల చేరి మొక్కరో .. ) 🌺🍃 ----------- 🍃🌺 ప్రార్థన :--🌹🙏 తెల్లని రజతాద్రి వలెన్ , నల్లకలువవోలె, నీలనాగమువోలెన్ మొల్లముగా కాపులలద, వెల్లివిరాయసొబగులిల వేంకటపతికిన్! ✍️ --స్వీయపద్యము ( కందము) 🌹🌹 తెల్లని వెండి కొండయా అన్నట్లు , విరబూసిన నల్ల కలువా అన్నట్లు , నీలమేఘమా అన్నట్లు , సాంద్రముగా కప్పుర , తట్టు పునుగు మొదలగు కాపులు ఈ స్వామి కి అలదగా , మజ్జనపువేళ అందములన్నీ ఈ విధముగా ప్రకటితమగుచున్నవి శ్రీ వేంకటపతికి !!🙏 🌹🙏🌹 🌺🍃 -----------🍃🌺 మున్నుడి 🌹👇 అన్నమాచార్యుల వారు రచించిన స్వామివారి అభిషేక వర్ణనా సంకీర్థనలలో ఇది ఒక అద్భుతమైన సంకీర్తన. కర్పూరపు కాపు , తట్టుపునుగు కాపు , కుంకుమ పన్నీటి జలముల మజ్జనవేళలో స్వామి ఏ విధముగా అందముగా దర్శనమిస్తున్నాడో చక్కని పోలికలు చేసి వర్ణించారు అన్నమయ్య .🙏 మరి ఆ చక్కని సంకీర్తన అర్థము తెలుసుకుని పాడుకుందామా !!👇 🌺🍃 ----------- 🍃🌺 🌹🌹 ఓ భక్తజనులారా రండి ఇతనిని సేవించండి . అందరూ ఇతని దరికి చేరి నమస్కరించుకోండి . చక్కగా మన ఎదుటనే అందుబాటుగా మనకు దక్కిన అపూర్వమైన భాగ్యము ఇతడేనా అన్నట్లు ఉన్నాడు భావించి చూచితే !!🙏 🌹🌹 అందరికీ దేవుడైన ఇతడు అభిషేకము గావించుకుని మెరిసిపోతున్న అందమైన నల్లని కలువవలె ఉన్నాడు . మిక్కిలిగా కర్పురపుకాపును ధరించిన ఇతడు , వెలకట్టలేని ఒక పెదా వెండికొండవలె కాంతులీనుచున్నాడు !!🙏 🌹🌹 అందముగా తట్టుపునుగు , కస్తూరి కాపును మేనంతా అలదుకుని ఉన్నాడు అదిగో , మనకు లభించి ఉన్న ఇంద్రనీలమణి గని వలె . తాను ఇదివరకు ధరించినట్లుగానే అనేకానేకమైన ఆభరణములతో నిండిపోయి , సంపదలకన్నిటికీ పుట్టినిల్లు ఇతడేనా అన్నట్లు ప్రకాశించుచున్నాడు🙏 🌹🌹 మీరిన అందముతో అలమేలుమంగను తన హృదయముపై నిలుపుకుని ఉన్నడు అదిగో తాను మెరిసిపోతున్న బంగారు తామెరవలె . ఎంచి చూడగా ఈ శ్రీ వేంకటేశ్వరుడు , తనును కొలిచే దాసుల పాలిట నిండైన నిధానమువలె కొలువుతీరి ఉన్నాడు అభిషేకానంతరము ! !🙏 🌹🙏🌹 ఓమ్ శ్రీ అలమేలుమంగా సమేత శ్రీ వేంకటేశ్వర స్వామినే నమః !🙏 తాత్పర్య సహిత దృశ్య మాలికగా మీకు అందించాలన్న నా చిన్న ప్రయత్నమును ఆశీర్వదిస్తారని ఆశిస్తూ..🙏 దోషములున్న...మన్నించమని విన్నపము... 🙏 ✍️ -- వేణుగోపాల్ యెల్లేపెద్ది 🙏 #SEVIMPAROJANULALA #సేవింపరోజనులాల #garimella #garimellabalakrishnaprasad #abhishekam #srivariabhishekam #annamacharya #annamacharyakeerthanalu #annamayya #annamayyasongs #అన్నమయ్య #అన్నమాచార్య #annamayyakeerthanalu #annamayyakeerthana #annamayyaaksharavedam