ကြက်သားမဆလာ မွှေးအောင်ချက်နည်း How to cook masala chicken скачать в хорошем качестве

ကြက်သားမဆလာ မွှေးအောင်ချက်နည်း How to cook masala chicken

ကြက်သားမဆလာ ချက်နည်းတွေထဲကမှ အခုချက်နည်းလေးကအရင်က ချက်နည်းတွေထက် ပိုပြီးမွှေးပါတယ်ခင်ဗျာ။ ပထမဆုံး ကြက်သွန်ဖြူနဲ့ချင်း ကို ညက်နေအောင် ထောင်းထားပါ။ ကြက်သား ခန့်မှန်းခြေ ၄၅ ကျပ်သား ထဲကို အချိုမှုန့်။ ဆား။ ကြက်သွန်ဖြူချင်း ထောင်းထားတာ နဲ့ အသားမဆလာ အနည်းငယ်ထည့်ပြီး နယ်ပြီး ၁ နာရီလောက် ရေခဲသေတ္တာ အအေးခန်းထဲမှာ ထည့်ပြီးနှပ်ထားပေးပါ။ ကြက်သွန်နီကို ပါးပါးလှီးထားပေးပါ။ ကြက်သွန်နီ က ၄ လုံးလောက်သုံးထားပါတယ်။ ဒယ်အိုးထဲ ဆီထည့်ပြီး ဆီပူလာရင် ကြက်သွန်နီပါးပါးလှီးထားတာကို ဆီချက်မဖြစ်တဖြစ်အနေအထားထိ ကြော်ပေးပါ။ မီးအေးအေးနဲ့ကြော်ပေးပါ။ ကြက်သွန်နီ အနားလေးတွေ ဝါလာပြီးမွှေးလာပြီဆိုရင် ငရုတ်သီးမှုန့် ၁ ဇွန်းထည့်ပါ။ ခဏလေးမွှေပြီးတာနဲ့ နှပ်ထားတဲ့ ကြက်သားတွေထည့်မယ်။ ကြက်သားတွေကို ဆီထဲမှာ ၃ မိနစ်လောက်ကြော်ပြီးတာနဲ့ ရေထည့်ပါမယ်။ (အခုလို ကြော်လိုက်တဲ့အခါ ကြက်သွန်နီတွေက ကြက်သွန်နီဆီချက်ဖြစ်သွားပြီး ကြက်သားနှပ်တုန်းကထည့်ထားတဲ့ ကြက်သွန်ဖြူနဲ့ချင်း ကလည်း မွှေးလာပါတယ်) ရေထည့်ပြီး မီးအလယ်အလတ်နဲ့ ခန့်မှန်း‌ခြေ မိနစ် ၄၀ လောက်ချက်ပေးပါ။ ရေခမ်းပြီးဆီပြန်လာပြီဆိုမှ အသားမဆလာ ၁ ဇွန်းစာလောက်ထပ်ထည့်ပြီး ၂ မိနစ်လောက် မွှေပေးလိုက်ပေးရင် မွှေးပြီး စားကောင်းတဲ့ ကြက်သားမဆလာ ချက်လေးရပြီဖြစ်ပါတယ်။ မဆလာမွှေးမွှေးပါတဲ့အတွက် ငါးငံပြာရည် ကို မထည့်ပါဘူးခင်ဗျာ။ အငန်အရသာအတွက် ဆားတခုတည်းကိုသုံးထားပါတယ်။