Wazee Songea waliofunga mvua msiba wa Jenista wa ahidi kuifungua/wawaonya vijana kudharau mila. скачать в хорошем качестве

Wazee Songea waliofunga mvua msiba wa Jenista wa ahidi kuifungua/wawaonya vijana kudharau mila.

Wazee wa Baraza la Mila na Desturi mkoani Ruvuma wamesema wamefanikiwa kukamilisha zoezi la kufunga mvua katika siku zote za mazishi ya aliyekuwa Mbunge wa Jimbo la Peramiho, marehemu Jenista Mhagama. Mazishi hayo yalifanyika jana tarehe 16 Desemba 2025 katika kijiji cha Ruanda, Halmashauri ya Wilaya ya Mbinga, ambapo licha ya mvua kunyesha katika maeneo mbalimbali ya mkoa huo, eneo la mazishi halikupata mvua yoyote. Akizungumza baada ya kukamilika kwa zoezi hilo, Katibu Mkuu wa Baraza la Mila na Desturi Mkoa wa Ruvuma, Chifu Abbas Mpumula Chitete, amesema kazi ya kuzuia mvua haikuwa rahisi bali ilikuwa ngumu sana. Hata hivyo, alisema walilazimika kufanya zoezi hilo kwa heshima ya baba wa marehemu Jenista Mhagama, marehemu Joackim Ngonyani, ambaye alikuwa mweka hazina wa Baraza la Mila na Desturi, pamoja na heshima ya kipekee aliyokuwa nayo marehemu Jenista Mhagama katika mkoa wa Ruvuma. Chifu Chitete amesema wazee hao waliomba msaada kwa Mungu kwa kutumia mila na desturi, na Mungu aliwasaidia kufanikisha zoezi hilo ili kuhakikisha shughuli zote za mazishi zinafanyika kwa utulivu na bila usumbufu wa mvua. Ameongeza kuwa leo tarehe 17 Desemba 2025, siku moja baada ya mazishi kufanyika, mvua imeanza kunyesha katika Manispaa ya Songea. Amesema hali hiyo inatokana na maombi ya kurudisha mvua waliyoifanya baada ya mazishi, na anaamini mvua itaendelea kunyesha kwa wingi, hivyo ametoa tahadhari kwa wananchi kuchukua tahadhari na kuwa makini. Katika hatua nyingine, Chifu Abbas Mpumula Chitete amewahasa vijana kutopuuzia mila na desturi za asili licha ya changamoto za utandawazi wa sasa. Amewaonya vijana hao kwa kuwataka waheshimu mila na desturi, akisisitiza kuwa kutozithamini ni sawa na “kuchezea moto.”