Ақмола облысында Республика күні кең көлемде тойланды скачать в хорошем качестве

Ақмола облысында Республика күні кең көлемде тойланды

Ақмола облысында Республика күні кең көлемде тойланды. Өңірде бірқатар әлеуметтік нысандар мен тұрғын үйлер пайдалануға берілді. Сондай-ақ әр салада еңбек етіп, аймақтың дамуына үлес қосып жүрген азаматтар марапат төрінен көрінді. Ұлттық мерекенің кіріспесі “Көкшетау” мәдениет үйінде басталды. Мұнда түрлі салада аянбай қызмет етіп жүрген кәсіби мамандар жиналды. Облыс әкімі Марат Ахметжанов қызметкерлерге мемлекеттік награда табыстады. “Ерен еңбегі үшін” төсбелгісін кеудесіне таққандардың арасында ұзақ жылдар бойы коммуналдық мекемеде темір ұстасы болып жұмыс істейтін Қаршыға Нығметов те бар. ҚАРШЫҒА НЫҒМЕТОВ, “ЖЫЛУСЕРВИС” мекемесінің слесарь-жөндеушісі: 90-жылдардан бері жұмыс істеп келе жатырмын осы сферада. Енді 35-36 жыл болады міне істегеніме. Қуаныштымын осылай облыс әкімінің бізді марапаттағанына. Тілейтінім бәрімізге денсаулық, аман болайық. Еліміз тыныш болсын. Марапаттаудан кейін мереке рәміздер алаңында жалғасты. Көк байрағымыз көкке көтеріліп, әнұран шырқалды. Шараға қатысқан өңір басшысы тұрғындарды құттықтап, Республика күнінің маңызын атап өтті. МАРАТ АХМЕТЖАНОВ, Ақмола облысының әкімі: Осы күні Тәуелсіздік нышаны мемлекеттік тудың салтанатты көтерілуі бұл мерекенің ерекше екенін айқындайды. Себебі “Республика” күні халқымыздың азаттық жолындағы арман-тілегін жүзеге асқанын көрсетеді. Жалпы алаңға жиналған жұрттың көңіл-күйі көтеріңкі болды. Олар бір-біріне жүрекжарды лебіздерін арнап, елдің амандығын тіледі. БАҚЫТ СМАҒҰЛ, Қазақстан журналистер одағының мүшесі: Айналасы 35 жылдың ішінде біз әлемге танылған, әлемдегі өркениетті елдердің қатарына қосылған үлкен мемлекетке айналдық. Қазақ елінде көп өзгерістер болды. Оның ішінде қарап отырсаңыздар, қазақ еліндегі ең басты құндылық ол елдің тұрақтылығы. Сондай-ақ, бұл күні Көкшетау қаласында жаңа мектеп пен бірнеше емдеу мекемесі ел игілігіне берілді. Одан бөлек кезекте тұрған азаматтарға мемлекеттік бағдарлама аясында пәтер кілті табысталды. Айта кету керек, биыл өңірде жалпы 1200 тұрғынға үй беру жоспарланса, бүгінге дейін олардың жартысынан көбі баспаналы болған. #Информбюро #31арна #БастыЖаңалықтар #Новости #31канал