ថ្នាក់ដឹកនាំរាជដ្ឋាភិបាល តារាចម្រៀងល្បីៗផ្តល់កិត្តិយសចូលរួមមង្គលប្អូនស្រីពៅអ្នកឧកញ៉ា ឡេង ណាវ៉ាត្រា скачать в хорошем качестве

ថ្នាក់ដឹកនាំរាជដ្ឋាភិបាល តារាចម្រៀងល្បីៗផ្តល់កិត្តិយសចូលរួមមង្គលប្អូនស្រីពៅអ្នកឧកញ៉ា ឡេង ណាវ៉ាត្រា

ថ្នាក់ដឹកនាំកំពូលៗក្នុងជួរដ្ឋាភិបាល តារាចម្រៀងល្បីៗ ផ្តល់កិត្តិយសចូលរួមក្នុងពិធីមង្គលប្អូនស្រីពៅ អ្នកឧកញ៉ា ឡេង ណាវ៉ាត្រា ព្រៃវែង៖ ប្អូនស្រីពៅអ្នកឧកញ៉ា ឡេង ណាវ៉ាត្រា គឺលោកជំទាវឧកញ៉ា ឡេង បញ្ចពណ៌ ដែលជាអគ្គនាយិកាក្រុមហ៊ុន GMS Leng Navatra Cosmetics បានចូលរោងជ័យហើយ ជាមួយនឹងកូនកំលោះអ្នកជំនួញវ័យក្មេងដ៏ជោគជ័យមួយរូបនៅប្រទេសកម្ពុជា លោក វ៉ន ខួច នៅថ្ងៃទី៦ ខែធ្នូ ឆ្នាំ២០២១។ ពិធីសិរីសួស្តីអាពាហ៍ពិពាហ៍មួយនេះ រៀបចំឡើងនៅភូមិកំណើតដ៏កម្សត់របស់អ្នកឧកញ៉ា ឡេង ណាវ៉ាត្រា ស្ថិតនៅស្រុកបាភ្នំ ខេត្តព្រៃវែង ក្រោមវត្តមានមាតាបិតាចាស់ទុំត្រកូលរាមច្បងទាំងសងខាង ដ៏ឪឡារឹក ដើម្បីអបអសាទរកូនប្រុសស្រីក្នុងថ្ងៃពិសេសវិសាល។ ក្រៅពីបងប្អូនចាស់ទុំផ្តល់ជាកិត្តិយសក្នុងពិធីមង្គលការនេះ ក៏ឃើញវត្តមានរបស់ថ្នាក់ដឹកនាំជាន់ខ្ពស់ក្នុងជួររាជរដ្ឋាភិបាល អ្នកជំនួញ និងសិល្បៈករជាច្រើនរូបផងដែរ ក្នុងនោះ ឯកឧត្តមនាយឧត្តមសេនីយ៍កិត្តិបណ្ឌិត ហ៊ីង ប៊ុនហៀង អគ្គមេបញ្ជាការរងនៃកងយោធពលខេមរភូមិន្ទ នាយករងខុទ្ទកាល័យ សម្តេចតេជោនាយករដ្ឋមន្ត្រី និងជាមេបញ្ជាការ បញ្ជាការដ្ឋានអង្គរក្ស ក៏បានផ្តល់កិត្តិយសអញ្ជើញចូលរួមក្នុងពិធីកាត់សក់បង្កក់សិរីជូនដល់ប្អូនស្រីពៅរបស់អ្នកឧកញ៉ា ឡេង ណាវ៉ាត្រា។ ក្នុងពិធីអាពាហ៍ពិពាហ៍ប្អូនស្រីពៅ មហាសេដ្ឋីវ័យក្មេង ឡេង ណាវ៉ាត្រា ក៏មានវត្តមានដ៏ឧត្តុងឧត្តមពីសំណាក់កូនប្រុសច្បងសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា គឺឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោក ព្រមទាំងវត្តមានថ្នាក់ដឹកនាំរដ្ឋបាលខេត្តចូលរួមផងដែរ ដូចជា អភិបាលខេត្តកំពង់ស្ពឺ ត្បូងឃ្មុំ រួមនឹងអភិបាលខេត្តមួយចំនួនទៀត។ តាមរយៈទំព័រហ្វេសប៊ុកផ្លូវការរបស់ខ្លួន អ្នកឧកញ៉ា ឡេង ណាវ៉ាត្រា បានពិពណ៌នាខ្លឹមសារដ៏មានអត្ថន័យ ដោយបានសង្កត់ធ្ងន់រលឹកនឹកដល់អនុស្សាវរីយ៍សែនកម្សត់ជាមួយអ្នកម្តាយដែលបានចែកឋានទៅកាន់បរមសុខជាច្រើនឆ្នាំ ខណៈពេលបច្ចុប្បន្នកូនប្រុសស្រីគ្រប់រូបទទួលបានជោគជ័យ និងមានជីវភាពសមរម្យទៅហើយ។ អ្នកឧកញ៉ា ឡេង ណាវ៉ាត្រា ថ្លែងថា "ឈើកាច់បាភ្នំអនុស្សាវរីយដ៏កំសត់ភូមិកំណើតដ៏ជូចត់អ្នកម្ដាយបានលាចាកលោកទៅមិនបានឃើញកូនរស់នៅក្នុងជីវភាពសមរម្យទេ ប្អូនស្រីពៅដែលជាថ្លើមប្រមាត់របស់អ្នកម៉ែបានរៀបការហើយ កូនចង់អោយម៉ែសប្បាយចិត្ត ចង់អោយម៉ែឃើញកូនពៅម៉ែនៅលើភូមិដ៏កំសត់របស់យើងណាម៉ែ"។ ជាមួយខ្លឹមសាររាប់រយលានអត្ថន័យផ្ញើជូនដល់ម្តាយក្នុងថ្ងៃពិសេស ថ្ងៃរៀបអាពាហ៍ពិពាហ៍ប្អូនស្រីពៅ ដែលធ្លាប់មានប្រវត្តិសែនកម្សត់កម្រជាមួយអ្នកម្តាយនេះ អ្នកឧកញ៉ាក៏សូមទោសផងដែរ ដែលកម្មវិធីដ៏តូចនេះមិនបានអញ្ជើញបងប្អូនចូលរួមកម្មវិធី ព្រោះធ្វើនៅស្រុកកំណើតឆ្ងាយពេក។ គួររំលឹកផងដែរថា នៅថ្ងៃទី២០ ខែមករា ឆ្នាំ២០២១ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា ទ្រង់ព្រះរាជទានផ្តល់គោរមងារ ឧកញ៉ាដល់លោកជំទាវឧកញ៉ា ឡេង បញ្ចពណ៌ ។ ជាមួយគ្នានេះ បងបង្កើតរបស់លោកជំទាវចំនួនពីរនាក់ទៀត ក៏ទទួលបានគោរមងារដ៏ឧត្តុង្គឧត្តម គឺលោកឧកញ៉ា ឡេង ប្រុស និងលោកឧកញ៉ា ឡេង និមល ផងដែរ៕