ඨාන සූත්‍රය / Tana Suthraya - බලංගොඩ රාධ හිමියන් දේශනය කරන ලද ඨාන සූත්‍රය скачать в хорошем качестве

ඨාන සූත්‍රය / Tana Suthraya - බලංගොඩ රාධ හිමියන් දේශනය කරන ලද ඨාන සූත්‍රය

ශ්‍රද්ධාවන්ත පින්වතුනි, බුදුරජාණන් වහන්සේගේ ශ්‍රාවකයන් බවට පත්වෙච්ච අපට, බුදුරජාණන් වහන්සේ නිරන්තරයෙන්ම නිතර නිතර සිහිකල යුතු දේවල්, නුවණින් කල්පනා කලයුතු දේවල් දේශණා කරලා තියෙනවා. ඒ වගේම මේ සංසාරේ ඉපදිච්ච බුද්ධිමත් උදවියට මේ ධර්මය තුලින් යහපතක් සලසාගන්න නම්, එයා සිහි කලයුතු දේවල්, එයා කල්පනා කල යුතු දේවල් බුදුරජාණන් වහන්සේ දේශනා කරලා තියෙනවා. නමුත් සාමාන්‍ය ලෝකයේ කෙනෙක් ගත්තහම, එයා තමන්ගේ යහපත සලසගන්න, තමන්ගේ යහපතට දොරටු විවර කරන්න කල්පනා කලයුතු දේවල් බුදුරජාණන් වහන්සේ දේශනා කරලා තියෙනවා. නමුත් සාමාන්‍ය ලෝකෙ කෙනෙක් ගත්තහම, එයා මේ තමන්ගේ යහපත සලසාගන්න, තමන්ගේ යහපතට දොරටු විවර කිරීමට කල්පනා කළයුතු දේවල් කල්පනා කරන්නෙ නෑ. ඒවා මග අරින එක තමයි සාමාන්‍ය ස්වභාවය. සාමාන්‍ය කෙනෙක් කැමති නෑ මේ දේවල් සිහිකරන්න. නමුත් ජීවිතාවබෝධය පිණිස මේ ධර්මය අවබෝධ කරගෙන ජීවිතයට යහපත සලසාගන්න නම්, ඒ වගේම ජීවිතේට මේ සංසාර ගමන තුල තියෙන අනතුර තේරුම් අරගෙන ඒ අනතුරින් වළකින්න අවශ්‍යය කරන ධර්ම මාර්ගයට දොරටු විවර වෙන්න නම්, එයා හිතන්න ඕන විදියක් තියෙනවා. සාමාන්‍යය කෙනෙක් හිතන පිළිවෙලට ඒ දොරටු විවර වෙන්නෙ නෑ. නමත් බුද්ධිමත් උදවිය ප්‍රඥ්ඥාවන්ත උදවිය ඒ ආකාරයටම කල්පනා කරනවා. එහෙම කල්පනා කලොත් තමයි, එයාට මේ ධර්ම මාර්ගය විවර වෙන්නෙ. ඉතින් බුදුරජාණන් වහන්සේ, සැවැත්නුවර ජේතවනාරාමයේ වැඩ ඉන්න කාලෙදි දේශනාවක් කරනවා සියළු දෙනා උදෙසා. බුදුරජාණන් වහන්සේ මේ දේශනාව කරන්නේ, සියළුම ගිහියෙක් වේවා, පැවිද්දකු විසින් වේවා නිරන්තරයෙන් මෙනෙහි කල යුතු කාරණාවන් 5ක් තියෙනවා. එතකොට එතන ගිහි උපාසිකා කතාවකුත් නෑ. භික්ෂු භික්ෂුණී කතාවකුත් නෑ. සියළු ගිහියන් හා පැවිද්දන් විසින් ඒ කියන්නේ සියළු දෙනා අයිතියි. මේ මිනිස් ලොව ඉපදුන සියළු දෙනාම අයිතියි මේකට. මේවා වෙනස් කරන්න බැරි දේවල්. මේ ජීවිතේදී මේවා ඒ ආකාරයෙන්ම සිද්ධ වෙනවා. බුද්ධිමත් කෙනෙක් නම්, මේවා සිහිකරන්න ඕනි කියලා බුදුරජාණන් වහන්සේ වදාළා. මේ දේශනාවේ නම තමයි ඨාන සූත්‍රය. බුදුරජාණන් වහන්සේ දේශනා කරනවා. මේ ආකාරයට කල්පනා නොකරන කෙනා බොහෝ අනතුරක වැටෙනවා මේ ජීවිතේ. බොහෝ අකුසල්, ඒ වගේම පාපී දේවල් සිද්ධ කරගෙන එයා සතර අපායේ වැටෙනවා. ඇතැම් විට එයා නිරයේ උපතක් කරා යනවා. නිරයේ ගිහිල්ලා ඉපදුනම මොකද වෙන්නේ? නිරයේ තියෙන්නෙ අන්ත දුකක්.නිරයෙ තියෙන්නෙ ගිනි දැල් වලට පිචිචෙන්න….