«Վերնատուն»․ Հայ կինոն վերելքի մեջ է. Թամարա Ստեփանյանի տեսլականը 23.07.2025 скачать в хорошем качестве

«Վերնատուն»․ Հայ կինոն վերելքի մեջ է. Թամարա Ստեփանյանի տեսլականը 23.07.2025

Կինոռեժիսոր և վավերագրող Թամարա Ստեփանյանն, ով արդեն ավելի քան մեկ տասնամյակ բնակվում է Ֆրանսիայում և իր կրթությունն ստացել ու որպես ռեժիսոր կայացել է Եվրոպայում, պահպանում է ամուր կապը Հայաստանի հետ։ Նա երբեք չի հեռացել հայաստանյան կինոմիջավայրից և պարբերաբար վերադառնում է նոր ֆիլմերով ու գաղափարներով։ Այս տարի «Ոսկե ծիրան» միջազգային կինոփառատոնում ցուցադրվեց ռեժիսորի «Իմ հայկական ուրվականներ» ֆիլմը, որի համաշխարհային պրեմիերան տեղի էր ունեցել Բեռլինի միջազգային կինոփառատոնում։ Նրա երկրորդ կինոնախագիծը՝ «Արտոյի երկիրը» դեբյուտային լիամետրաժ խաղարկային ֆիլմը, օգոստոսին կբացի Լոկառնոյի միջազգային կինոփառատոնը։ «Իմ հայկական ուրվականները» ֆիլմի մասին խոսելիս Թամարա Ստեփանյանը նշում է, որ իր և հոր՝ դերասան, ռեժիսոր Վիգեն Ստեփանյանի երկխոսությունն անսպասելի ընդհատվեց։ Այդ երկխոսությունը շարունակելու համար նա փորձեց զրուցել նրա հետ իր ֆիլմերի ու լուսանկարների միջոցով՝ հասկանալով, որ այդ երկխոսությունը կարող է անվերջանալի լինել։ «Հորս ուրվականն ինձ տարավ դեպի հայկական կինոյի ուրվականները։ Այս ֆիլմով ես ուզում եմ խոսել ոչ միայն իմ հոր հետ, այլև Հայաստանի, Հայաստանի պատմության ու կինեմատոգրաֆիայի հետ», – ասում է նա՝ հավելելով. «Ես ուզում էի հասկանալ, թե որտեղից եմ գալիս ես՝ իմ ինքնությունը, ծագումը, իմ կինոյի ընտանիքը»։ Թամարա Ստեփանյանն իր օրինակով փորձում է ցույց տալ, որ կինոն միայն տղամարդու աշխարհը չէ. այն կարող է նաև կնոջ աշխարհը լինել։ «Դա մի հիանալի աշխարհ է։ Դա իմ կիրքն է կյանքում», – նշում է նա։ Վերջերս նա նաև ընտրվեց Հայաստանի վավերագրողների պրոֆեսիոնալ գիլդիայի նախագահ։ «Երբ ինձ առաջարկեցին լինել գիլդիայի նախագահ, իմ առաջին միտքը միասնականությունն էր և հավասարությունը կանանց ու տղամարդկանց միջև։ Կարևորը միասնական ուժերով լավ կինոյի հասնելն է», – ասում է նա։ Թամարա Ստեփանյանը պատմում է նաև Լոկառնոյի միջազգային կինոփառատոնում ցուցադրվելիք դեբյուտային ֆիլմի մասին, հայկական տրավմաները հաղթահարելու, կինոյի օրենքի և հայկական կինոյի անկախության մասին։ Նրա համոզմամբ՝ հայ կինոն մեծ վերելքի մեջ է, և պետք է անել ամեն ինչ, որպեսզի այդ վերելքը չը