Lənkəran Bölgə Təcrübə Stansiyası sarımsaq sahəsini 2 dəfə artırıb скачать в хорошем качестве

Lənkəran Bölgə Təcrübə Stansiyası sarımsaq sahəsini 2 dəfə artırıb

Ötən il sarımsağın qiymətlərin baha olması təsərrüfatçıların bu sahəyə marağını artırdı. Bunu nəzərə alan Lənkəran Bölgə Təcrübə Stansiyası fermerləri təmin etmək məqsədilə toxumluq sarımsağın əkin sahəsini 2 dəfə çoxaldıb. Əkində əsasən yerli sortlara üstünlük verilir. Ötən il sarımsağın satışında heç bir çətinlik çəkməyən və yaxşı gəlir götürən təsərrüfat sahibləri bu il əkin sahələrini bir neçə dəfə genişləndiriblər. Təsərrüfat sahibi Qəhrəman Babayev: “Son illər bazarda sarımsağa tələbat çox oldu. Keçən il az miqdarda əkmişdik sarımsaq. Xeyirli oldu. Biz bu il sarımağı 2 dəfə artırmağı nəzərdə tutmuşuq. Əlimizdə məhsul qalmır. Satıcılar elə sahədə gəlib aparırlar.” Təsərrüfatçıların bu sahəyə marağının və toxuma tələbatın artdığını görən Lənkləran Bölgə Təcrübə Stansiyası bu il toxumluq sarımsaq sahələrini bir neçə dəfə artırıb. Lənkəran Bölgə Təcrübə Stansiyasının elmi işçisi Bahəddin Ağayev: “Keçən il 0,3 hektar sahədə sarımsaq bitkisi əkmişdik. Məhsul az götürdük. Həmçinin qiymət baxımından baha oldu 7-10 manat arasında qiymətlər dəyişildi. Bu şərtləri nəzərə alaraq biz bu il Bölgə Təcrübə Stansiyasında 1 hektara yaxın nəzərdə tutmuşuq bu bitkidən əkək.” Hazırda təcrübə sahəsində sarımsağın 11 sort nümunələri əkilir. Cənub bölgəsinin hava iqlim şəraitinə, eləcə də tərkibi zəngin olduğu üçün bazarın tələbatına uyğun yerli sortlara daha çox yer verilir. Həm yüksək məhsuldarlığına, həm də xəstəliklərə davamlı olduğuna görə təsərrüfatçılar yerli Cəlilabad sortuna daha çox üstünlük verir. Yaxşı aqrotexniki qulluq göstrilərsə hər hektara 12-13 ton məhsul götürmək mümkündür. Lənkəran Bölgə Təcrübə Stansiyasının elmi işçisi Bahəddin Ağayev: “Fermerlərə tövsiyyə edirik ki, həmin Cəlilabad sortundan əksinlər. Sarımsağın məhsuldarlığı dişlərinin irili xırdalığından asılıdır. Yəni iri dişlər əkdikdə hektarda orta hesabla sarımsağın hektarda məhsuldarlığı 133 sentnerdən 160 sentnerədək məhsuldarlıq olur.” Yığım iyun ayının əvvəllərinə təsadüf edəcək. Bu il sarımsaq əkininə geniş yer verilməsi onu deməyə əsas verir ki, qiymət ötən ilki kimi baha olmayacaq. Təki məhsul bol, qiymətlər də ucuz olsun.