Tv Klan - Irani hedh poshtë pretendimet e Trump скачать в хорошем качестве

Tv Klan - Irani hedh poshtë pretendimet e Trump

Ministri i Jashtëm iranian, Abbas Araghchi, mohoi se Teherani kishte kërkuar një armëpushim apo negociata për t'i dhënë fund luftës. Komentet kundërshtojnë pretendimet e presidentit Donald Trump se Irani donte të bënte një marrëveshje. "Nuk shohim ndonjë arsye pse duhet të flasim me amerikanët, sepse ne po flisnim me ta kur vendosën të na sulmonin. Kjo është një luftë e zgjedhur nga presidenti Trump dhe Shtetet e Bashkuara, dhe ne do të vazhdojmë vetëmbrojtjen tonë," tha Araghchi. Megjithatë, kryediplomati iranian tha se vendi i tij është i hapur për të biseduar me vende të tjera që kanë kërkuar të flasin për të kaluar të sigurt në Ngushticën e Hormuzit. Një numër anijesh janë sulmuar ndërsa përpiqen të lundrojnë në ngushticën e ngushtë, dhe ka gjithashtu shqetësime se Irani ka vendosur mina në kalim si pjesë e përpjekjeve të tij për të penguar transportin detar. Disa vende ndërkombëtare të prekura nga bllokimi i kalimit po shqyrtojnë thirrjen e Donald Trump për të dërguar anije luftarake në ngushticën e Hormuzit. Sakaq, ushtria izraelite njoftoi për zgjerimin e fushëveprimit të sulmeve në Iran në mënyrë sistematike edhe për tre javë rresht që do të synojnë industrinë e mbrojtjes. Këtë të dielë, sulmet vijuan nga të dyja palët. Pamjet treguan një ndërtesë të mbuluar nga tymi në Iran. Në Izrael, të paktën dy persona u plagosën. Edhe vendet e rajonit u shënjestruan sërish nga raketat dhe dronët iranianë. Në Kuvajt, u godit nga Irani një bazë italo-amerikane, por nuk pati persona të lënduar. Në frontin e Libanit, sulmet izraelite kanë vazhduar intensivisht, ndërsa numri i personave të vrarë ka shkuar në të paktën 850. Tv Klan SUBSCRIBE to “RTV KLAN” on YouTube for more videos! Email: info@tvklan.al Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/