Golfklúbburinn Oddur - Urriðavöllur скачать в хорошем качестве

Golfklúbburinn Oddur - Urriðavöllur

Golfklúbburinn Oddur (GO) var stofnaður árið 1993. Urriðavöllur opnaði sem 18 holur árið 1997 og hefur verið einn besti golfvöllur landsins um árabil. Við hönnun Urriðavallar var höfuðáhersla lögð á að nýta sérkenni landslagsins. Undir hraunjaðrinum eru margar holuflatir þannig að jaðarinn myndar fagurt baksvið. Þá eru teigar uppi í hraunjaðrinum til þess að skapa yfirsýn yfir brautina framundan. Við hönnun Urriðavallar var sú hugsun fyrst og fremst höfð að leiðarljósi að hann væri skemmtilegur klúbbvöllur frekar en erfiður keppnisvöllur. Helstu kylfingar landsins hafa þó fengið að kynnast því að hann er engan veginn auðveldur viðfangs af öftustu teigum og sómir hann sér því einnig vel sem keppnisvöllur. Aðstaðan hjá Golfklúbbnum Oddi er eins og best verður á kosið. Auk Urriðavallar geta kylfingar leikið á Ljúflingi sem er 9 holu par 3 völlur. Æfingaaðstaðan er glæsileg með tveimur æfingapúttflötum, einni vippflöt og 18 bása æfingasvæði þar sem æfa má lengri högg. Klúbbhúsið er með útsýni yfir 18. flöt og má þar njóta góðra veitinga í þægilegu umhverfi. www.oddur.is twitter.com/OddurGolf facebook.com/golfklubburinn.oddur