Weg van negatiewe opinies скачать в хорошем качестве

Weg van negatiewe opinies

Opsomming: Weg van negatiewe opinies Tekste Gebruik: Johannes 7: (Hele hoofstuk) Genesis 1: 26 Matteus 28: 19 – 20 Johannes 8: 1: Johannes 8: 12: Laas week het ons gesels oor die tema "Bewaak jou hart", met die fokus op vergifnis as 'n manier om ons harte rein te hou. Vandag praat ons oor negatiewe opinies en hoe om dit te hanteer. Ons sien in Johannes 7 dat mense baie uiteenlopende opinies oor Jesus gehad het—sommige het Hom geloof, ander het Hom gekritiseer. Net so ervaar ons ook teenstrydige menings in ons lewens. Maar Jesus het nie toegelaat dat ander se opinies Sy roeping beïnvloed nie; Hy het gefokus gebly op God se plan. Ons moet leer om God se mening bo ander te plaas. As ons lewe vir mense se lof of moedeloos raak oor kritiek, verloor ons ons ware doel. Ons is hier om God se glorie te wys en Sy opdrag uit te voer soos in Matteus 28:19-20. Die vyand sal negatiwiteit en twyfel gebruik om ons te probeer keer, maar ons moet, soos Jesus, terugkeer na God se Woord en Sy plan bo alles stel. Wanneer die wêreld raas, moet ons nie net huis toe gaan nie, maar soos Jesus na ons "Olyfberg"—‘n plek van gebed—keer. Johannes 8:12 herinner ons: "Ek is die lig vir die wêreld. Wie My volg, sal beslis nie in die duisternis leef nie, maar sal die lig van die lewe hê." Laat ons die lig volg en God se opinie ons rigting laat bepaal!