Jim Ron - Umr mavsumi (audiokitob) скачать в хорошем качестве

Jim Ron - Umr mavsumi (audiokitob)

Boy bo‘lish - gunox emas. Ko‘pchiligimiz odatda ikki toifaning biridirmiz: boylik orzusidagi kambagal yoki oddiy, chin insoniy baxtni ko‘msaydigan boyvachcha.  "Xayot va tijorat yil fasllariga o‘xshaydi"  Bu kitob inson hayoti va biznesning tabiatdagi yil fasllari kabi o‘zgaruvchanligi ajoyib uslub bilan ko‘rsatilgan va hayotdagi voqea va hodisalarga holis nazar bilan boqishga, oldimizga qo‘yilgan maqsadlarimiz imkoniyatlarini chamalashga yordam beradi . Bahor - imkoniyat va rejalarni ko‘llash vaqti. Bahorning eʼtiborli tarafi shundaki, u juda tez, kutilmaganda kelib, o‘zining takrorlanmas go‘zalligi bilan bizni osongina bekorchilik, hech narsa qilmaslik balosiga giriftor qiladi. Agar ozgina bo‘shashsangiz urig‘laringiz(majoziy maʼnoda) ekilmay qoladi.Siz urug‘ ekyapsizmi yo uxlayapsizmi, keragicha ekib oldingizmi-yo‘qmi, bahorni bular umuman qiziqtirmaydi. Vaqt borida imkoniyat yaratib fursatni boy bermaslik kerak. O‘ziga ishonch g‘ayrat, va ishtiyoq “o‘git”idan foydalanish har qanday yovvoyi o‘t va zararkunandalarni yo‘qotishga yaxshi samara qiladi. Bahor bizga " Nima eksang - shuni o‘rasan" deb vada beradi. Yoz - himoya qilish va ardoqlash vaqti. Hayotimiz yozi bu erishilgan yutuqlarimizni asrash, jonga tegib bezor qiladigan zararkunanda va yovvoyi o‘tlardan kundalik himoyalanish vaqtidir. Hayotdagi hamma narsa hattoki baxtsizlik ham o‘z vazifasiga ega. Bizga hamisha hamroh bo‘ladigan hayotning salbiy vokea-hodisalarini to‘gri va mardonavor qabul qilishga o‘rganing. Yodda tutingki, salbiy hodisalar insonning doimiy shiddatli siquvi va kuchli taʼsiri, mustahkam, qatʼiy ishonch va o‘zgarmas nuqtai nazari ostida o‘z kuchini yo‘qotadi. Atrofingizdagi odamlar yoki biror-bir voqea sizni ranjitganda o‘z ustingizda ayniqsa ko‘proq ishlashga harakati qiling. Agar siz ob-havo, transport oqimi yoki yaxshi ko‘rgan insonlaringiz, qo‘shnilaringiz, boshlig‘ingizga o‘z taʼsiringizni o‘tkazib boshqara olmas ekansiz, unda o‘zingizni boshqarishni o‘rganing. Kuz - mehnatingiz mevalarini yig‘ish vaqti. Hech narsaga ega bo‘lmaganlar har doim mulk egalaridan nafratlanishadi. Kuzda biz natijalarimizdan yo xursand bo‘lamiz, yo norozi bo‘lib, shikoyat qilamiz. Kimki bahorning afzalliklaridan, imtiyozlaridan to‘laligicha foydalanmagan, hosilini yozgi jaziramadan saqlab qololmagan bo‘lsa, asosli bahonalar bo‘lishi mumkin emas. Faqatgina shikoyat qilishi, nimalardandir norozi bo‘lishi mumkin. Shikoyat esa o‘z aybini vaziyat va sharoitga ag‘darishdir. Qish - bu iltijolarimiz javobsiz qolishi, iqtisodiy qiyinchiliklarning boshlanishi, qarz berganlarning eshik oldida turishi, do‘stingiz sizga sotqinlik qilgan bo‘lishi mumkinligidandir ammo boshqacha bo‘lishi xam mumkin. Qish - qo‘lga kiritganlarimiz va erishadigan yutuqlarimiz uchun taqdirimizdan minnatdor bo‘lishimiz, iliq suhbatlar, dam olish, tashakkurlar aytishimiz, faxrlanish fasli bo‘lishi xam mumkin bularning hammasi bahorgi xaraktlar , yozgi himoyalanish, kuzgi hosillarni yig‘ib olishimizga bog‘lik zero "Nima eksang - shuni o‘rasan". Jim Rondan oltin maslahatlar: Bir kishining muvaffaqiyatga erishish sirlari boshqasi uchun halokatli bo‘lishi mumkin. Chunki biz Tangri tomonidan betakror qilib yaratilganmiz. Atrofimizni maʼlum bir fikr, odat, taomil, falsafiy qarashlarga ega bo‘lgan insonlar jamoasi egallab turadi. Agar hayotimizni yaxshi tamonga o‘zgartirmoqchi bo‘lsak, ularga bo‘lgan munosabatimizni doimo yaxshiligicha saqlab qolish mumkin emas. Qo‘lingizdan kelmaydigan yoki bitirishni xohlamaydigan ishga “yo‘q” deb javob qaytarishga o‘rganing. O‘zingizga befarq bo‘lib past nazar bilan qaramang. Jim Rondan iqtiboslar: Har qanday muommoni yechimi bo‘ladi muhimi o‘zimiz o‘sha muommoga aylanib qolmasligimizda. Bizning qandayligimiz - hayotimizda amalga oshgan, qilib bo‘lingan ishimizdir. Dunyoga bir marta kelib, bir bor yashaysan, o‘xshashi yo‘q, misli ko‘rilmagan ish qil. Muallif: Shuhrat Siddiqov