Lawmi Khiangte - A Chhawk Duh Che (Official Video) скачать в хорошем качестве

Lawmi Khiangte - A Chhawk Duh Che (Official Video)

Midangte hriatpui loh a ka manganna zawng zawngte, ka rûmna zawng zawngte kha Lalpa’n hlaah min siamsak a “A chhawk duh che” hla hi a lo chhuak ta a ni. Pathian âw ngaihthlak loh emaw, a lam hawi loa ka harsatna chauh ka lo thlîr thinna chu he hla hian min chhuah zalen chiang em a, mi tam tak tan pawh malsawmna a nih ngei ka beisei. Ka Nu nen khan he hla hi kan lo buaipui ve nasa ṭhin hle a, 2021 aṭang khan vuak pum kan lo tum tawh a mahse, Lalpain hun a la ti rih lo a ni ange, kan thawhpui te lam aṭang emaw, keimahni lam aṭangin a famkim theih loh nan harsatna tinreng hmangin tih khawtlai a lo ni ṭhin. Tunah erawh, kan tlangzarh ve thei ta hi ka lawm hle a ni. Lawmthu sawina : 1. He hla hi shoot pawh tum tawh lo ka beidawn tawh laia bul thar rawn ṭan a hma min laksaktu Siamsiami (Dr Siami Chawngthu) chungah lawmthu ka sawi mawlh mawlh a ni e. 2. He video a pum theih nana ṭanpui ka ngaihna zawng zawnga “I tan ka awm, hla hi mi tam tak tan malsawmna a nih theih nan theihtawp kan chhuah ang” tia min thlamuan tlattu Laldinmawii (Lashes by Dynnie) chungah lawmthu sawi sen loh ka ba a, lawmthu ka sawi mawlh mawlh bawk e. 3. Ka ṭhian leh ka nau ni bawk, ka mamawhna zawng zawngah min puitu, Kawka (Malsawmsanga) chungah ka thinlung takin lawmthu ka sawi e. 4. Music video ka buaipui tawh zawng zawngah chuan kan la bei rei ber ang tih turin Bawmrang Studio chuan uluk tak leh ṭhahnem ngai takin he hla hi min buaipui sak a, an inpekna ka ngaihlua ka lawm takzet. 5. He video a hlawhtlin theih nana min lo puitu Tetea - Vasto cafe, Omoty, Lawmi, Rebecca te chungah lawmthu ka sawi e. 6. Promo video - testimony sawina min rawn neih sak tura ka mi sawmte, Malsawmdawngliana, K Lalchhanhima, Robert Lalduhzuala leh Sangtei Khuptong te chungah ka thinlung takin lawmthu ka sawi e. 7. He hla mawi taka a lo chhuah theih nana backing vocal min pek saktu Jonathan Lianhna leh Zomuani (One in Christ) te chungah lawmthu ka sawi a, dawhthei taka min record saka min edit saktu Biaka Hc Recording chungah lawmthu ka sawi. A tawp berah chuan ka chhungte, ka buai em em laia min hrethiam thintu leh min support thinna te avangin an chungah lawmthu ka sawi bawk e. He hla min lo ngaihhlutsaktute zawng zawng chungah lawmthu sawinain ka khar ni se, Lalpa’n in zavai tan malsawm mawlh mawlh rawh se. Amen